يناثرهن عله المتنين سود اثگال
ما تدري شيسون بالبشر سودك
تعال ولفني بزنودك
شحلات الموت
الاگي الموت بزنودك
يناثرهن عله المتنين سود اثگال
ما تدري شيسون بالبشر سودك
تعال ولفني بزنودك
شحلات الموت
الاگي الموت بزنودك
مشتاكَ إلك روحي عليك مفرفحةوين اصبحت ..
والضيم يطحن بالبشر طحن الرحة ..
وينك بذاك المستحة ... ؟
الكَطرة هاي التنزل إمن الكَصة جانت مالحة.
شنهو الجرة ...!! اليوم الدكاكين التبيع الجفن كلها مفتحة
امحمره خدود الفجر , , لو نجمه بالدم طايحة
و جيران اجو من الدفن , , وتراب مليانة اللحة
وركضت الناس التستحي , ركضت ونصبت فاتحة
انه بأول ليله من رمشك غفيت
وجفنك بجره قلم شبعني ليل.
شيواسيني ؟
وانا بلياك محد شافني شبيه
ضحكتي غروب صيف
وحزني ظهريه !
وجه سجه قديمه
وناسي بدويه
ولا واحد دره شبيه !
السعف يرجف برد موخوف
وثاري الذيب من يخله متاعه يحوف
مصالح والتراجي هدوم ماتسوه ابلايه زلوف
شحت واليوافي انباع
فاگدينك
والحمام يسولف البگلوبنه بمرسال جدمه
فاگدينك
وبينه خنگــه لــيل من يفگدله نجمه
وغلاتچ ساعة الغبتي ليتماه
هدت والعين بغيابج ليتماه
وعلي ابن الماخذچ مني ليتمه
مثل مايتموو بالطف رقية ..
.
لـ صادق الجهلاوي .
.
آنه شنهي الماخسرته وحتُى أخسره ؟ويانهر يعتب عليٌه ... ؟؟
حتى بجناح الكًصب روجات أعبره ..
وياجبل يصعب عليك حتى أذب حبال روحي
إكًصايب أعلى جتاف صخره
وياعظم تتصوٌره إلتمْ !!
حتٌى يم بابك عشر كسرات
أكســـــــــره
صوت الليل حسرة ناي
يحرك جفن المتانين
وآنه هناك
أسولف بيك
أتاني يمطرن غيومي . . ولو طيفك
ولا مامش. .
أكلني الليل . . رد بيه النزيف صباي
أخضر بيك
أسيس بيك
صينية شمع منذور للما جاي
مرّ الروج . .
مرّ الريح . .
طفيت آنه و خذتني الريح
و أنته ولا خطف طاريك
يمعدل منين أبديك
آنه متيه طريجي و تاه بيه الشوف
عارك كل شمس لو چان سكَفك زيّن
وإسجد للكَمر لو سكَفك مخربط
ولا تاخذ حچي العميان
بالرسام ‼
لو يرسم عرس كَالوا عليه خربط