السلام عليكم جميعاً ورحمة الله وبركاته
رجاءاً أخواني عندي مشكلة مستعصية من فترة طويلة ومالكيتلها حل لحد هذا اليوم... وهذي المرة أريد سامر بجلالة قدره هو يتكفل بيها!!! ولا يهونون باقي الأخوة.
خوية سامر بعد بيتي آني هم اليّ حكـ عليك.. عندي ملفات وصور كلش مهمة إنحذفت من الحاسبة بالخطأ وحاولت مرات ومرات أرجعها وما حصلت نتيجة لا أكلك ولا تكلي ما خليت "للداي أدوه" بس بدون فائدة. ما أعرف يمكن البرامج الي أستخدمها لأن مجانية فتكون فعاليتها محدودة أو غير شي ما أدري بعد. إنتم المبرمجين مو تكولون ماكو شي ينمسح من الحاسبة؛؛ جا هاي شمالها عصت عندي.
بس خوية ترة اني فرمتت الحاسبة أكثر من مرة وحتى عدت تقسيم الهارد بوحدة من المرات, هاي خو ما تعقد من المسألة بعد أكثر.
فبعد أخوك أنظري بهذي القضية, أريدك أدليني على برنامج نشط يرجعلي الملفات حتى لو أشتريه بفلوس ما عندي مشكلة. طبعاً أنت تشتريلياه واني انطيك الفلوس لأن ما اعرف طريقة الشراء من الانترنت.
تحياتي للجميع..
رد مع اقتباس
