افتتاح موفق
افتتاح موفق
كون افك منهج التاريخ الجديد
وكون اشوف بكل سطر وجه الحشد
بعد ماعلّم چذب ولدي الزغار
وبعد يم عيونهم ماخلي سد
ارد اگلهم عل مشو فوگ الرصاص
الرگضو ويه جروحهم زند بزند
* * *
همه ذولة البلكتب يتأرخون
حتى تقره افعالهم ولد الولد
وكون يحلفلي المؤرخ مايخون
وكون ينطيني وعد حتى اعتمد
مايأرخ بس المحمل رصاص
المامتربته السواتر ينطرد
***
منورين
من الله بينا أطباع ، نستنگي ونضوگ
و ما ناكل من الگاع ، نصعد للعثوگ
هلهلن ، چكليت طشن للشباب
راح للموصل يطب خيالها
هي مالتنه وترد النه اكيد
تحزمّو حزامين هذول رجالها
خفيفه المعركه وزلم الجنوب #ثكال
شما يزمخ فشگهه اعلى الحرب ضحكو
نخله #طبعي ..!
الما سگاني بايده #ماي
لو يموت بصفي... ماانطي #تمر
گلي ' بيا مسافة الگاك
فحطان الدرب بيه ،
امشي وكل لهفتي الباب ،
بس يلچمني سرگية
.
چنت امن اهم ممشاي ريح الله #اسبگه
هسه #الجفن نوبات ساعة اله #ااااطبگه.
الراسه ابيض
مو شرط كلش جبير
الشيب يطلع لو كبر بيك
القهر .