اجمل عجوزة صغيرةالمشاركة الأصلية كتبت بواسطة فقار الكرخي
لعبت بعقل الشايب
هوة انتي لو حبج ذنب
يكولون بعدج تايب
...
اجمل عجوزة صغيرة
لعبت بعقل الشايب
هوة انتي لو حبج ذنب
يكولون بعدج تايب
...
زمن بيه الذيول اتجاوزت ع الروس
وانت وي الزمان اتجاوزت،،، چنك
جا هوة اليحب ينفضح من يشتاك
وحجي عيونة التكشفة بكل كتر مخنوك
كد ما اندعيلك جفي صار اهلال
واثر جف البظهرك كثر ما مشبوك
خايب شمالگ
تعال ادنالي
ارد اضوگن گل
گتر يحلالي
الرچفه البشفتك
تره هدتني حيل
اليوم ابوسگ لو صرت چتالي
لاتحاول تخفي شوكك بالسكوت
أني أشوفه بكلبي ماحاجه لكلام
وحتى أقره عيونك شرايد تكول
والسمه تفسر سواليف الحمام
نظرتك فضحت شعورك ماحجيت
وبالحرب مقصوده نوبات السلام
أي حلال الحب تعال ولاتخاف
ياشريعه أعله العشك كالت حرام
يله سولفلي أعله حبك خل أذوب
ماكو أحلى من السوالف بالغرام
وأسهر وعد النجم يامن هويت
هوه ياهو اليعشك ويكدر ينام
صار بـحدود الشهر مـا أعرف أحساسي
لا أني أحب من صدگ لا من صدگ ناسي
بكيف النسوني عشت ، ما عايش بكيفي
الـما جاني لمن ذبت ، فالح يجي بطيفي
أشـلـعـهـم من الگلب و الگاهم براسي
مرات الخجل يأخذني حيل وياك
أريد اطلب وأحس بلساني لازمني
وأحس مرات أشوفك وأكعد وياك
وأحس مرات ترجع مني تأخذنا
يمعود دخيلك إني هم انسان
والنار اللي تحركك هي تحركني
دلني عليك وروحي ليك تريد
واشبع شوف منك ليش حارمني
تسألني أحبك لا اموت عليك
وأحب حته العذاب وياك صدكني
عـوف الناس
انتــ
مرايتك انـي
اذا مـو الك
المن الله سـواني
لاتمر بينه حمد
فات القطار
ناشف المي بيش طالب مسعده
من بعد ماوشل العز والدلال
هسه صرنه عزاز
من ضيمك سده
هسه گمت تشوف چا ياهو العماك
ياهو گلك فدوه الك بس مافده
واضح أمبين على عيونك
جفوك
والجرح بحساسك ستوه بده
........... صوت ............
من آبعيد ،
صوت آتفوح نبراته عطر حضره .
لمس روحي وصبغ دمي .
صوت بخدر موسيقي ،
يريت آشفايفه يمّي .
صوتك ناي ....
ذكّرني بمهد زغري .
على آفراشي يلوليلي ،
لذيذ ، آتكَول صوت آمي .