شما وصلت رساله وكلت بلكي انت
شما وصلت رساله وكلت بلكي انت
مو انـــــــــي اللـــي تذلنــي وراســـــــي احنيــــــــه
متهمني بعد لو مدري شتصير
خلص اني حذفتك من الافكار..
وبعد ماريد اشوفك حتى بالطيف
اشكك حلمي من اشوفك بالحلم مار..
واذا حبك جنة وبغضك النار
من كد ما اكرهك كمت امشي للنار..
صرت شجرة اعلمودك حتى اوصلك
وانت بكل صلافة تصير منشار...
العين شكد عزيزة وصعبة تنعاف
اعميها الك لو يوم تندار...
مو اني اللي تذلني وراسي احنيه
وعلى حايط الذلة تدكني بسمار..
يل من جام بيتك بسك تعيل
تراميني خايب عليمن بالحجار..
حسبتك بير حتى تضملي الاسرار
ويا سر الاضمة تذيعه الاخبار..
ماريدك بعد ... لتحاول وياي
الماي وية الحديد اثارة زنجار..
الكلب جويتة بيدي حتى ينساك
تعال انزع قميصة وشوف الاثار..
اني ادري بكلامي اعصار لو جاك
ويا باب التسده بوجه الاعصار؟؟
ناي من دونك ضحكتي
شما نفخ بيها الوكت تطلع ونين
ودايخه الناس بصفنتي
صفنت اغروب اعله بال مسودنين
غلطان اليكلك لحظة راح انساك
وعمت عينة اليفكر لحظة ويعوفك
اذا بليل اليمرهة الطيف كل اناس
انة بظهرية جتني اترفرف اطيوفك
يانسمة اعذيبي ورايك القداح
وياوجه الكمر بالظهر ونشوفك
كلت خلي اجرب ما اسولف بيك
طلع شريان كلبي يردد احروفك
مو بالجدم جيتك جيتك امشي بايد
وبلهفة غريب الناسة ملهوفك
اذا جرحي تصير وبية تنزف حيل
اروف اجفون عيني والك ما روفك
كمت تامر علية وكلشي مني اتريد
وصرت مارد المحبس لبستة اجفوفك
مثل ام وتخلي بجيب ابنهة افلوس
شلتلك روحي كلهة وصرت مصروفك
بعد بس شي اسوي ابني الك ايمام
واجيب الناس يمك ندعي ونطوفك
يقران النفس
رتلت نعناعك
منك ما كلت تفاح
اي منك ما كلت تفاح
جا ليش انزل الكاعك..
مـن درت عــينك شـــفت والله عيـــــون
ومن درت الوجه شفت الشمس طلعت
ودرت الشـــــعر رأســــا اجــــــانه الليل
لأن خافت شمـــسنا وبالعجل شــلعت
الحياة اجمل:
عندما نشكر الله على ما ذهب منا
وما بقي لدينا وما سياتي
ادور بلدروب البيهه حاجي وياك
بلكت كلمه منك طايحه اسمعها
شمس تضحك...!
نجوم اتغيب,,,
وافز والكَه حلم بايت...يناديني
يهل بطران؟
وين تريد تسكَيني..؟
لاغيمة صدكَ,,,
تمطر واشوفك من تجي امبلّل
ولا واهس يخيّم بيك
النوارس من بعد حضن الجرف تنذل
يا كَلبي شبعد خلكَك
يصعبون وترد تسهل.
كون ابصريفه وجول وبرفجتي الناي
وانحب لحد ما موت من... ضيم الوياي
