هنا

[أنثى حائرة]

السَلآْم عَلْيُكّمٌ وٍرٍحَمُةّ الله وٍبُرٍكآتُهْ

رابع يوم عرسي انضربت من قبل زوجي لان ماكلت اكله ماحبه

وره ايام انضربت بالحزام وبقن اثار الضرب لان مره نسيت اشرب علاجي

وره ايام ضربني وضربني وضربني

اني من يضربني اندعي واكول بلكت اللله يصلحه

يحجي علي ايكومني بجذابه يكعدني بجذابه
يحجي علي اهلي كلام محلو والالفاظ غير لائقه

ظال ابنفسه ايخوني مع بنت خالي


برمضان فرغ علي سطل الزباله

ايصيح ويعصب حتي علي ماعون اذا انكسر

اذا ايطيح الدهن وهو وكعهه ايذبه براسي

اتهمني احب واحد وكال علي اهلي جذابين والا اوكعج انتي واهلج
برغم هوه يعرف ماحب واحد لان ماشايفه احد ولا احد شايفني

يمشي ويا ناس مو زينين يشربون حبوب الورديه والعرق
حتﯼ شميت ريحه الحبوب بالغرفه وسكتت وماريد احجيهه

صارت هوسه وراح ايسون كعدتت عشاير
واهلي بطريق


اني مامسويه غلط
كلتله عندي نوع من الرجفه تجيلي من اسهر و انقهر

اني مامقصره اوياه ولا ويا اهله
البيت انظفه بين يوم ويوم
هدومهم اغسلهن بين يوم ويوم
وماغسل بس هدومي كل هدوم البيت
واطبخلهم انواع الاكل اي شي ظال بنفسهم اطبخه


هم ايلومني لان سكتت عنه وعمامه مرزلينه

وخالي ضربه لان يحجي علۑ سمعتي

ومادري مصيري وين وشراح ايصير بيه

وحتئ انام بعد ما اظل كاعده 37 ساعه كاعده هوه يجي يكعدني علمود ناركليه اسويله لو جوعان واني ظاملته اكل بثلاجه

لو ايسوي صوت جني بظلمه واخاف

لو يكلك شوفي شنو هناك وايظل ايخوف بيه

ويجيبلي صرصره ويخوفني

ويكللهم هي اتكول بيتنه جني
واتكعدني ع صرصره

ادعولي ارجع لبيت زوجي لان احبه وماكدر اعوفه

[أغرد بهمس]

اووووف ياربي
والله دااخاف من الزواج هوااااي من اسمع هالقصص
كل هذا وتحبي وتردين ترجعين
الله ينتقم منكم ي الرجال
الله ع كل ضالم
حسبي الله ونعم الوكيل

[لانا احمد]

وعليكم السلام ...
طبعا اني تفاجأت من كملت قراءة قصتك للنهاية وكاتبة أريد ارجع له بعد كل هذا العذاب والتخويف بس فكرت انه الله أعلم بحالك !

تدرين اكو زوجات يبقن يتحملن كل شي لأن ميلكن مكان يروحن عليه حتى لو كان بيت الاهل لأن العوائل كلها تختلف تكلج اني أبقى ببيت زوجي أفضل لأن أهلي ميتحملوني وخاصة إذا كان عندي اطفال وكاعدة أحجي عن تجارب اهواي لصديقات.

انت تعبانة حاولي ترتاحين لفترة وحاولي تستمرين بالدعاء وصدكي ترى الهداية من رب العالمين ، تحبيه تحملي كل شي منه، تكولين لا مااريده خلص خلي الأمور تأخذ مجراها بس كون ع قناعة وصدكيني رب العالمين ميترك واحد وكل شي خير الج أو لزوجج راح يصير .

دعائي لكما بحياة سعيدة وخالية من المشاكل ^-^

[Ali Ibrahim]

اني هم تفاجئت بعد كل الاحداث اي تصير وياج وتكولين اتمنى ارجع ويه زوجي
نصيحتي الج ويجوز اني مو دارك لامور العائله والمشاكل الزوجيه بس تره هذا الشي ينعكس على اطفالج
انفصلي احسن وشوفي حياتج ، زوجج يشرب وياخذ حبوب ويضربج ويتهمج ويحجي على اهلج وعليج ويشوه سمعتج مثل ما تكولين هذا ما احسبه زوج هذا عدو بالبيت

اعتذر ع كلماتي لكن هذا رأيي والله يصلح الجميع
تحيتي

[جنـات]

شنو الي تحبي بي وحسب ماتكولين هوَ كله سلبيات ..ع شنو تحبي
ياروحي الحياة مستمره انفصلي منه واخلصي من هالعذاب وعيشي حياتج

[فيصل سالم]

هذا مريض نفسي او صغير بالعمر ولم يتربي في مجالس الرجال

ان كنتى صغيرة بالعمر ولا يوجد بينكم اطفال ... اتركيه وخليه يولي قليل الاصل

[موجوع قلبي]

حسبي الله ونعم الوكيل

شوفي اختي نصيحه اذا مبينكم اطفال تركيه لان راح تندمين بعدين واذا صار اطفال تكبر المصيبه وفوكاها ياخذ حبوب شمنتضره منه بعد
اتمنالج السعاده الله يوفقح بعد قلبي

[bbsm]

الي يشوف بلاوي الناس تهون علي مصيبته الله يفرج همج

[fairy touch]

السلام عليكم

اهنيچ الحقيقة ....لأن سطرتي كل هالاشياء بموضوعچ ...اللي المفروض الكلام عنها ما يجي شي يم انه انت عشتيها ....اهنيچ على القدرة على اغماض عيونچ عن حقيقة واضحة مثل الشمس :

في هيچ بيت و وية هيچ (ذكر ) مو رجال ...مستقبلچ اسود .
شتترجين من هيچ عيشة ...الواحد يموت احسن .

و يمكن هاي اول مرة اكون قاسية برد على احد بهالطريقة ...بس اللي من ايده الله يزيده ..و اذا الله خلصچ و طلعچ من هاي البؤرة القذرة ...تجنين على نفسچ مرة لخ ليش ؟!
تحبيه ؟!
الحب اللي يودي لهيچ بشاعة ...مجرد مرض نفسي ..لازم تعالجيه مو تستسلمين اله ...
حتى سمعتچ و شرفچ لوثه ...هم اكو اتعس بعد !!!!!!!!!!!!!

[عضوية2635]

الخلاصة : انفصلي عنه