السلام عليكم ...
عندي مشكله ومتردده بطلب المساعده من احد اعرفه لذلك قررت انشرها هنا واتمنى الكه رد يساعدني ،
اني احب انسان وهو يحبني ووصلنا لمرحله يجي يخطبني من اهلي بس العائق ان هو مو من بلدي "يعني من غير دوله "
وخايف يجي واهلي يرفضوه وشنو راح يكون موقفه كدام اهله لان منتظرينه يجيب عروسته ويرجعون سوه،
شنو تنصحوني اسوي حتى اكدر اقنع اهلي؟
لان ماريد احرجه واخلي يجي ويرجع بدوني
المسأله واقعيه جدا اتمنى تراعون مشاعري بردودكم
وبرأيكم شكد نسبه نجاح الخطوبة؟!
وشكرا مقدما
وعليكم السلام
ماعتقد اكو مشكله اصلا دام النيه سليمه وهنا النتيجة واحد من اثنين اما القبول او الرفض
وبدايه حلها تكون بمصارحة اقرب افراد اسرتك لك واعتقد ايضا اما اختك او امك وتطلعيهم على التفاصيل
والافضل الام فان حصل ايجاب منها دعيها تتكلم مع هذا الشخص وتتبين منه بعض الامور
وفهميها انه ارتباطكم بالحلال وحسب الشارع المقدس ....
وبعد ذلك يتبين لك رايها وراي الاخرين من اسرتك ولا تكوني بموقف محرج فان وافقو فليأتي ويخطب
والا فلتقولي له انه اهلي رفضو الفكره
اذا هو الخاطب مسلم لويش يرفضوه اهلج الابعد اهلج مايريدوج اطلعين للخارج يخافون عليج وهما ادرى بمصلحتج ويجوز انتي مسيطر عليج الحب بس قرار اهلج هو الصح لان امان ماكو اذا طلعت للخارج منو الج عالاقل هنا اهلج يمج ويعرفون شيصيرلج وشكرا
وعليكم السلام ...
برأيي حاولي تشوفين شخص من أفراد عائلتك أو اقرباءك بحيث تكدرين تحجين وياه بكل سهولة وعندك ثقة بيه وهو بدوره راح يفتح الموضوع مع أهلك وبهذا راح تكون عندك النتيجة النهائية قبل لا يتقدم لك هذا الشخص وحتى لا يكون بموقف محرج حسب كلامك يعني لازم اكو شخص يمهد الطريق لعائلتك قبل اتخاذ أي خطوة
وربي يكتب لكم نصيب ويسعدكم بحياتكم
^-^
مسائك ورد
برايي انو تصارحين مامتج بكولشي وبااسلوب حلو وتفهميها الموضوع
وتقنعيها
اذا اقتنعت فالامور بخير
واذا لا انسي الفكرة.....ومقترح لانا حلو تكدرين تجربي
الله يسعدك ويهنيك يارب
رد مع اقتباس