هنا

[قصي الحسيني]

مع احترامي لجيل التسعينيات
بس رسالتي الى الذين يمدحون ويتباكون على صدام
هل رأيتم صدام انتم ؟
اكثركم بعدة يشرب الممة وما نازع الحفاظة وسقط صدام
علما كنتم منذ طفولتكم مخدوعين
يخدعونكم اهاليكم
تشرب فوح ويقولون لكم حليب
ويعطوك نستة بالتمر ويقولون لكم كاكاو
لهذا السبب انتم لقمة سهلة بيد المخادعون والماكرون
واذا خدعوكم اهليكم بحديث الامن والاستقراء
فعليكم ان تعلموا ان في العراق اكثر من مليون شهيد
واكثر من 3ملايين سجين واكثر من 500الف مهجر ومطلوب واكثر من 15مليون مهدد بالسجن والقتل
هكذا كان نظام الذي تمتدحونهه

لا تمدح صدام ولا الذين اسقطوا صدام ولا تقارن السيء بالاسوء لان كلاهما شاركا بتدمير العراق

[المحامي احمد التميمي]

اهلا وسهلا....اعرف صدام جيدا رغم اني جيل ثمانينات , لكن اثبتت الايام انه شره اهون من شر ما نحن فيه اليوم

[أغرد بهمس]

اني تسعينات ومن عائله مجاهدة في زمن النضام شُردت وسُجنت وهُجّرت
لكن صدقني وان حدث ماحدث لنا سابقا
لكن الامان مستتب ابي يخرج لاايام وهو مطمئن على عياله
والكثير الكثير افضل من الان
خلصنا من طاغية وقعنا بطغاة

[كرار الغراوي]

بالنسبة النة محد راح او انقتل بزمن صدام لان ما جان عدنا شي نؤثم او نعاقب علي
اما الكاكو والنستلة والحليب فجان الوالد ممقصر وموفهرن كلهن من القطر وخارج القطر
يمعود شما يكون ارحم ارررحم

[ابوعلي/]

الي يكول زمن صدام ارحم فاحب اكوله انت غلطان صحيح الوضع الان سيء بس مومثل وقت صدام عمي عل الاقل هسه ترحون تزورون براحتكم تحجي على اي واحد بالدولة براحتك قبل ابيتك وتخاف تحجي حتى امام اطفالك .

[تشيللو]

صدام الطاغية. .
قتل العلماء علنا امثال محمد صادق الصدر ..وعلي الغروي ومرتضى البروجردي . .قتل الأطفال والنساء وهم احياء
والمقابر الجماعية تشهد. ..وإلى الآن ايتامه يمارسون العمل نفسه لكي يترحموا عليه أمثال بؤرة الفلوجة. .
ومن أحب قوما حشر معهم

[أغرد بهمس]

اللي يتخرج يتعين
واسطات ماكو
اقل فساد يتعاقب المفسد
اي تاجر يلعب بذيله ينعدم
كانت اكو دولة ع الاقل

[KASSAR]

كل الاحترام الك وشكراً لطرحك الموضوع
بس خل نكون واقعين , وياك اني واعرف صارت مجازر ومقابر جماعيه وقتل العلماء وكثره المساجين و .... الخ
بس يا اخي جان اكو امان وجانت الدوله العراقيه الها هيبه مجانت اكو انفجارات ولا اكو فساد مثل هسه مجان اكو نزوح داخل البلد ولا جان اكو شي اسمه داعش ولا قاعده ولا مليشيات تصول وتجول وبوقت صدام مجان اكو تقسيم العراق هسه جرب روح للشمال وجرب الفيزا وهل سوالف تكول رايح لغير دوله و التعليم جان احسن من هسه بمليون مره وجان اكو احترام للمواطن العراقي بالدول العربيه والغير عربيه شوف هسه باقي الدول بدينار ما يشترونه وحتى وقت الحصار جانت موفر حصه تموينيه وهسه لو اكو تمن وشكر لو ماكو ولو احجي بعد يوم ما اخلص
خصم الكلام كل الي مر علينه بزمن صدام اهون من الي يمر علينه هسه

[Sandokan 19]

المليون شهيد قبل ..هسه صاروو ملايين
و3مليون سجين ..صاروو اكثر
وميحتاج نحجي على النازحين و المهجرين والهاربين من وضع العراق حاليا

هاي المقارنات ما تبرئ صدام
لكن منكدر ننكر ان زمن صدام احسن

[حسين عباس.]

تحيه طيبة لك انا من جيل التسعينات بالتحديد 95
يعني بوقت السقوط كان عمري 7 سنوات عاد اتذكر ولو القليل بس يعتبر الكثير
كان وقت صدام اهون من هذا الوقت لانه كان الامان يعم والدراسه جيدة جدا وايضا بس تتخرج تتعين وماكو معمل متوقف كلهن يشتغلن وبوقتها جان اكو هواي ناس تجي من غير دول حته تسترزق بالعراق وكان مفعل قطاع السياحة وهذا يأتي بدخل للعراق وايضا داعم قطاع الزراعة والصناعة وكنا في ذلك الوقت صادراتنا اكثر من استيرادنا وايضا كان الجيش ثالث اقوة جيش في العالم لانه اهتم بتدريبه وتجهيزه بكامل التجهيزات اللازمه
وايضا عدم تفشي الفساد ليس حكومي وانما الفساد الخلقي ومثل ما يكولون اهلنا جانت النلس على نيته
ومثل ما كالو الاخوان جان المواطن العراقي اذا يروح لغير دوله اله هيبته مو مثل هسه
للعلم عمي كان يلاحقه صدام وتم سجنه وتعذيبه ومن ثم باعجوبة هرب وباعجوبة لم يمسكوه لقد كتب الله له عمرا اطول
ووالدي ايضا لكان ميتا قبل ان يتزوج والا بفرج من الله قد نفذ
واخوالي كانو سجناء وحتى ان احدهم سجن في ايران وتم تعذيبه
فلذلك رغم الظلم الذي ظلمنا به صدام اهون من هذا الظلم الذي نعيشه الان