ينغر ابجماله جي حلو الطاووس
البلبل موحلو.. بس ينعشك حسه..
وجا بطل بنادم مايذم بالناس
لوصد للمرايه وعاين النفسه..
تره سعر الرغيف ارخيص
بس يتشيم اعله الناس المفلسه..
كبل للهوه منضحك
جنت اضحكه وياي
من ابجي.. الحجر يبجي.. وداعتك هسه
بس انت ورحت.. مثلك اجيبه منين
شكد حاولت انسه.. لكن شانسه..
دللتك دلال ال بس بنات اتجيب..
وحبلت بالولد..
و تكوم تتنسه..
وعشكتك عشك.. موعشك ياهو الجان
كلش كلبي حبك حد كطع نفسه
وصير انته بمكاني
تخيل المسجون
الكالوله... التحبها باجر معرسه..
تدري السمه تذل الطير؟!
من يشوفها وجنحانه متهلسه..
تدري الي حبيبه نباك
بس الياحريمه.. ودمعته تونسه..
الزلمه المابجه.. خلو يصب عيون
من كالوله ولفك يضحك بعرسه...
وصار هواي.. احن وشتاك .. صار هواي
ضدي انته ..وبعدني تخيلك وياي
بيع براحتك..مالومك من اتبيع
سوي الي يعجبك.. وابقه الك شراي
شكد غيرك اجو.. بس جنهم يروحونج
وانت شمبعدت.. بعيوني اشوفك جاي..
كاتلني العطش.. يالكذلتك شلال
عطشان الحنانك.. مو عطش للماي
ادورك مثل ذاك الي بظهر تموز
وتاه بنص جزيره وضل يدور فياي
وخل ابجي عليك.. العشك مابي عيب
الدمعه اعله المحب..من شيمت الوفاي..
تحياتي للغوالي
ضياء الرسام
رد مع اقتباس
