والله لو تدري
عليك شلون حالي ؟
حال اليضيج الهوى
على شفاف ريته ..
وما أگول وداعتك
كلفة الفظ اسمك باليمين..
وداعتك لاموضعيف
من يضكني الوكت
واتوچه عليك
وداعتك لا موگصير
حتى اتطاول واصير بطول اسمك
وداعتك لا موضرير ..
حتى اگول تگودني
من أرد أحط ايدي بديك
الشوف بيّه
يفرزن من بعيد .. ياتفاحة آدم
آنه ماأدور فضالة زاد غيري
وانت ريح شفاف غيري
الضاگتك..لسه تفوح
او وين ماوليت وجهك
تلكه شفه..
مباوسه شفافك (...)
غمّض وباوعلي وحدي
لا أتعبّ عيونك ادّور عليّه
آنه بيك ..
شوف روحك
تلكه روحي تصيح بيها
مشتهيـك
بساعك اغرف مشتهاتي
بساع لوّن بيها روحك
لايفز بيّه (.....)
وأحرك الدنيا عليك..
وسالفتنه ..
وداعتك
الخيل اعرفها عرف
الجامحة اندلها ..واروضها على كيفي
وأكره العاطف
لون وي غير حلها ..
مو وكتها ....
حچاية الخانت رجلها
وداعتك چاسولفتها ..
الليل من يمر على المثلي
يحچّي الصخر الاخرس
آنه شاعر
يأذنّ بروحي الفرزدق
(الله يعرف من انكرت والعجم)
واسحگ بطارف (....)
كل قصيدة تصير للطاغي هدية
موبديه
والله من اكتب احطكّ
انت عنوان القصيدة
يعثر المثلك
طريج اليستحون ..
دروبه وعرة
يدنگ اليستحي يريد يشوف دربه
ويوصل المايستحون
الريح لو خاوت رمل
تمتد جهنم
واليلاگيها عدل بجماغ ابوه
يگول آنه..
واليلوذ بثوب اخته
تكشفه ريح الله
السفر ميزان ..
والسفرة گصيرة
رد مع اقتباس
المشاركة الأصلية كتبت بواسطة تراتيل هادئة
