المفروض اعله خدك ماتحط مكياج
حرام اعلى الاكل تتخلى زينه
لان حلقوم خدك محشي بالهيل
لبغراش حط ومر عليــــــــنه
وبالك تبتسم يامعود اترجاك
من كد السحر تدري انتهينه
ترى زلوفك سنابل واحنه جف فلاح
خافن تنحصد بجفوف ادينه
بس ياهو اليحصدك وانته رمشك سيف
وخاطف جم كلب عندك رهينه
يلطولك وطن لاتكعد ويه الناس
حنحطلك علم فوك المدينه
لو نكلب سفينه وحاجبك سفان
وبكيفك بعد قود السفينه
انغرك جذب بس نحترك بالنار
لان حسنك جهنم تسري بينه
لوتستر وجنتك لوتجيب اطفاء
اذا بسناك كول احنه انشوينه
مانحمل جمالك مانريد انشوف
فدوه ارجوك بطل لا تجينه
خاف تذوب كلك بالحلك وتروح
مانضبط نفسنه استر علينه
مما راق لي
رد مع اقتباس
