عيشني ابسوالف گاع خضره اتعاكس الهيمة
ولا تطلع ابد للناس الشمس محلاهه بالغيمة
بدوي انه وحجوك افياي شفتك والله چن خيمة
يصوغة عشگ يا قداح وانته اول نده ينشم
يهيل الدنيه من يفوح اشمك كون كل الشم خرخشلي ابضحكتك ريل محطة ابروحي ماتندم
سولف دغدغ الساني بسواليفك حچي اتهندم
نگطلي گصايب ماي العطش بالگيض يتشتم
سيرلي زلف وخدود تلگاني ابتراچي اهتم
شافيني اشكثر معلول يچثحة ماي من زمزم
يكشخة شيخ ربعه اثگال واحدهم چذب ينذم
يريحة هور اشمك طين افرفح بلم مايفحط
اتيهن وانت دلني اوياك حلوة اسوالفك يالشط
وبردَت والعشگ متعوب والتعبان يتشخبط
الگاع التعبت امنسنين يحرثوهه الفلح تنشط
دفيني ابسمار احضان اريد اللي حقد يشحط
وانته البيك اضن مگيول هذا اعله الجرح ينحط
حلفني وتعال اوياي وشوف اشكبره الك خلگي
ليوسف مااسد ابواب زليخه بكيفهه اتسرگي
اذا يغفه تره الناطور يصحه وكلشي ما يلگي
مشتاگ الربيعك ذاك عصافيري بنت للعش
ومو بس الجسد يفلان خيالي عليك هم يرعش
اطرش يمي من تشتاگ اشحلاته الفارگ ويطرش
رد مع اقتباس
المشاركة الأصلية كتبت بواسطة بريق الماس
