فقرة
ديري بالج تسويها
عيني سندوس رحتلج فدوه ديري بالج اذا حفيتي وجهج موتخلين مكياج وراه ترى يصير عبارة عن بيذنجانه مبزرة اذا بشرتج دهنيه واذا بشرتج جافه يقشر ويشتعل نار الأفضل ترك الوجه يرتاح فد 4 ساعات
حبي من تحفين جيبي قطعة ثلج فد مكعبه من الثلاجة ومسحي بيه وجهج راح يسد المسامات ويمنع ظهور الحب راح من تخلين الثلجه اسمعين طكطه بوجهج موتخترعين
سندوسة من تغسلين بلحمام شعرج حاولي ادنكين راسج لاتخلين الشامبو ينزل على جسمج لأن راح يصير عدج نمو بشعرج فضاعه والرجال يشرد عباله غورله شارده من الكهف يمه
لأن الشامبو يسبب نمو لشعر فضاعه خاصه ظهرج وبطنج لأن الشامبو ينزل عليه
سندوسة الي شعرها دهني ميصير تستخدم الزيوت السبعه لأن انتي شعرج دهني وتستخدمين دهن راح يصير عندج تساقط فضاعه واحتمال تصيرين كرعه الأفضل استخدمي شامبو نونو زينه للشعر وخلي بيه 7ثومات لمده 4 وبعدين غسلي بيهه موتخلين 7 روس ثوم فص
ديري بالج من طلعين من الحمام تسوين شعرج بلكاويه وهو مبلل احتمال تموتين ونخلص منج لا اسم الله يومي قبل يومج احتمال تتكهربين وياخذ الثانيه ابو جسومي
خلي ينشف وسوي كفشتج عليمن مستعجله نشفي بسشوار وبعدين سوي عطوبج
ديري بالج تخلين مسكاره بيوم العجة
ترى اطلعين اضحكين وخاصه اذا عندج دوام يطفرون الموظفين اوالطلاب من وراج
بيوم العجه بلا مسكاره لأن راح تجمع الأتربة على رموشج وعبالك غاطيج بكونيه الطحين
ديري بالج تلبسين كعب عالي بلدوام ترى عيب والله لاتفضحينه مكان الكعب بلحفلات واذا قزومه اخذي كعب ناصي
ديري بالج متخلين معطر مانع تعرررررررررررررررق وره متسبحين وجددي قبل لطلعين البيت اتمنى متنسين هل شي سندوستي لان دنيا صيف وزحمه تصعدين بسياره او ماشيه بالشارع وملابسج متعرقه وتخلين خلق الله ينهزم من هل منظر
زوزوه
لا تنسوا دعوه بظهر الغيب
رد مع اقتباس
