الشاعر علي المنصوري
قصيدة درب الشمع
في مضيف الشيخ صباح العرمش المالكي
جديد 2016 /2017
أعذريني صاير ما أفكر بيج بس يومين بالساعه
من اذكر سالفه ومابيها راحة بال
من قدرة الباري تسيّر أبالي
ضوه الفانوس ضيكَـ على متون الليل
وجبت عمري اعله كَد الليل حسبالي
شتلتك عود يابس كل وركَـ مابيك
مدري شلون صار وخضر شتالي
لو ميت وأشوف جنازتك أرتاح
ولا اشوف الربع يحيونك كَبالي
اليطلب مني تمره أنطيته نخلة وراح
من أنطي عثكَـ زحمه يتراوالي
على نيتي عشت صدكَت اليجذبون
اليكَلي البير عالي اقتنع عالي
يالي مطشر ايامي لمهن اترجاك
نطرتك وأخسرتك أيامي وآمالي
من حر الشمس بادت عليّ الهدوم
سهلة هدومي أخافن يعتكَـ خيالي
يحجون بسوالف حلوة لكن لا
بغير سوالفك ماينترس بالي
مملوح ولذيذ الحجي البي طرواك
من دون البشر جلماتك تلالي
الك هيبه بمشيتك هيبه الدفان
وي آخر نفس بيه وسيّر كَبالي
من كَد ماترف حتى الهوى يمر بيك
النسمه تجرحك شحال الهوى العالي
المايترس فراشه دموع كَبل النوم
ماينحسب عاشكَـ حاله من حالي
العاشكَـ من صدك ينعرف تالي الليل
من أكَله احجيلي عنها يكَوم ينعالي
اضل شمعه بدرب خله النهار يطول
يجيني الليل ويصير الوكت مالي
رد مع اقتباس
المشاركة الأصلية كتبت بواسطة أوراق شاعر♪
