هنا

[فقار الكرخي]

هلكد مارقيق وحيل شفاف
من احجي وياك لازم با لاشارات
رحمه الربك انته منين مخلوق
اذا من طين رايد منك اثبات
جسمك مدري شنهو بريشه ينشال
احضنك بيش يلتارسني حسرات
البسلك هوه من تمشي وياي
عليك هدومك يصيرن ثكيلات
اضلمك حيل من فراشه اسميك
الحرير هدومه بمك حيل خشنات
عليك اتحط فراشه اطيح بلكاع
ادري عظامك انته شكد رقيقات
بس وكت الضهر ادري اني اليموع
وفوك خدوده تحمر الترافات
وعكس الناس انته تموع بليل
تحتر بلبرد شنهو هل خرافات
بياضك ولشمس يشابهن حيل
بس حدودك انته شويه حلوات
هلكد ما حلو من احلم وياك
العسل من عيني ينزل جنه دمعات
وفز من الحلم ما امسح العين
الكه الدود ملتم علمخدات
انه مخليك بس لشوف وياي
المثلك يلزم كلش حرامات
من اشتاق ابوسك لاتجي تبوس
من ابعيد دز الشفتي بوسات
اعرفك تنعشك بس اقنع بشي
انته وبيتكم عدكم علاقات
لان مرات يطلع يسئل الناس
من تتاخر عله البيت مرات
ابعطرك نزلت صيت البساتين
الحدايق قدمن للدوله دعوات
يم الورد تاخذ صوره ممنوع
حته الورد مايطلع نشازات

[سمراء من قوم عيسى]

حلوو

[محمد اركان العتابي]

في قمة الروعة
شكرا للنشر

[الدووون]

في قمة الإبداع