المشاركة الأصلية كتبت بواسطة أحمد الكرعاوي
(((حوار بين جندي عراقي وبنت من الموصل )))
الجندي
اسمعها خوية تصيح والدمعة تجري
لا خوية لاتبجين يابعد عمري
البنت
خوية اني اجيتك كون تحميني منهم
داعش بعد ماريد ابعدني عنهم
الشاب
عد عينج اني اليوم اخذلج الثار
والله واندم الجان مرافك العار
البنت
هانوني وسط الناس وبهذلو حالي
لااب فزع لااخوي لاابن خالي
الشاب
لااب فزع لاخوج دنيانة غبرة
خلتنا لعد الناس اصبحنة عبرة
البنت
اصرخ واصيح بصوت يهل الحمية
نداس الشرف بالسوك اصبح سبية
الشاب
يخسة اليمر بذيال ثوبج يحرة
والله اجيت اليوم اخليهة عبرة
البنت
ياخوية بنت شيوخ وزامطت بيك
غيرة وابو الصعبات على الراس اخليك ......عاشت ايدك
