يا أول قصيدة انخطت بدمي..
بعدها عيونج الوگحة بغلاة الطين..
وينج هاي صار سنين..
يمعودة فهيت بدونچ شگد صار
ما ضايگ طعم سچين..
گشريني اعلى كيفچ يا گلب دفان..
بية من اللچم بستان.
نفس الشهگة البصدري عليچ
الفرق بس مرورة الدخان..
حسبالي نسيتچ من گطعتي الطيف؟!..
بس غلطان ..
اثاري الموت ينسى الناس..
بس عينچ بعدها تصيح بيه فلان..
بعدني اشمر على زنودچ بچف غرگان..
صار سنين تايه بيچ
أدور بالسما المفتوحة
بس الغيم ظل عنوان..
وانتي لوحّدچ تدرين بيه شلون..
من اخضّر بيچ ما خّلي
إعل وجهي عيون..
تمنّنيت الگصيبة اطول..
شحلاة الشعر
لو ينزل بثوب متون..
وانتي لوحدچ دنيا..
اريد اخلص عليچ ظنون..
يهنيالة اليشم نحرچ
ويدري الملح بيچ بيا كتر مدفون..
افرحي هواي..
يا نشوة طفل مغرور..
من رحتي الدمع بالعين
خضّر بيه خوش گبور!!
ردت انساچ ..
بس النهر من يغتاض
تصعد حرگّته بناعور..
سوالف بيج من الثلچ
واني احچي بخلگ تنور..
من زفوچ يا لوعة شهيد
يشوف روحة بلا چفن مشمور.
وين الگاچ.
وأنه متّيه گّذلتچ طيف..
وأنتي الدنيا كلها وياچ
وآني وياي دم وسيف
يا اول جرح دلّاني دمي
وگلي موت براحتك
ما دام بيك من الگصايب حيف..
رد مع اقتباس
المشاركة الأصلية كتبت بواسطة الدووون
