هنا

[فقار الكرخي]

كَضت الأحلام بالدنيا
وكل أثنين ردو حيل متونسين
وهالرديت بس آنه
كلمن غايته بچفه
حتى أنتي
بس الوياچ مو آنه ،.

•



عليمن راسم أحلامي
وأحير شلون أجسّدهن
خل أتفرغ لروحي
وألكَالي دوه يسدهن
بيه جروح مدري منين جايبهن ،.

•

مو مال أتعبلها البيه يكفيني
وين تريد خل تصفى



بدل ما أحركَـ بروحي
خل أستوعب جروحي




ما تسوه أحتركَـ للناس
أول تالي راح أطفى ،.

•



يا آخر نفس موجود بالدنيا
تعال أتمدد بصدري
دنت نفسي عليك بدون ما أدري ،.

•




حركَـت بروحي بس حسيت
خيط بروده مر بيهم
أعز من روحي شنطيهم ؟
الما صارو كَبالي
بأتعس فترة من عمري
عليمن مستعز بيهم ؟ ،.

•



من كَتلك ولك بردان
ما چنت أقصد ملاكَه
أعرف ما ألك نية
مرات الدفو الـ بالصوت
يترس روحي حنية ،.

•



كلشي أحچيلي
بس بفراكَـ ، لا فدوه
ماشوفلها داعي تروح من عندي

ليش تريد غيرك يلبس بروحي ؟
وأنته فّصال مني وراهم بكَـدي



تعال نضم نفسنه ، البشر هم ينباكَـ ،.

•



شفناك
ولكَـينه العافيه أتّانينه بعيونك ،.

•



ترى مرخوصلك
تاخذني وين تريد
لا تتقيد بزعلي

تعرف بيه أرضى بساع
بس أتأكد بـ ظلك
ماخذ راحته بـ ظلي

أحب أتخبل بـ ملكَـاك
وتاخذني أعله كَـد عقلي ،.

•

عفيه عيون ، ما تنمل
لو أشبع سفر بيها



عفيه عيون ، تعرفلي
ما يحتاج أحاچيها




عفيه شفايف ، مّورده
أذا شفت أبتسامتها ، الحزن عَدّه




عفيه شفايف ، الماي أستلذ بيهن
أتراهن عليهن بالنده البيهن
عطش يوصلهن شحده ! ،.

•


أحاچيمن ؟
والعندي ، أشوّفه ألمن ؟
كلشي أنعاف لعيونچ



شريد أحچيلچ ؟
وتبچين وتحنين وترجعين
كلشي أنكَـال لعيونچ ،.

•


شلون ماشوفك تريد تظل بعيد
المسافة المو قريبة تلوكَـلك ،.



• بس أنته الدرب وياك ، يبدي منين ما يخلص ،.

.

[الدووون]

حلوووو

[مـــــــــــروه]