بسك طال حلمك
والحلم لو طال ...
تتشتت الفكره وتبرد الغاية
م.ن
بسك طال حلمك
والحلم لو طال ...
تتشتت الفكره وتبرد الغاية
م.ن
ترفة وبالبرد جمرة
وبيها من الورد شمرة
ما خسران بس خسران
كلمن ما عشك سمره…
يجي بأجر
و اكولن بأجر انساه ..
و يجي بأجر
و اكولن لا كلت بأجر..!!
جبار رشيد
اعرف واهسج بية..
ومو ذمة التردني اعليج حنية..
واجمع كل عتابي وياج..
اريد الكالي عذر فراك
...
وانكل جدمي وعيونج تصيح بصوت..
هاا..
يفلان..
راح تروح...
والنية...
وارد ندمان اجدي مسامحج لية...
أنة بالنوح يتمت البساتين
لا تغريد بيها ولا تساهيد
صحت موال بچة الشجر والماي
واكو فلاح يسمع صاحلي عيد
كلتلة الي يعيد اجروحة چذاب
جنح مكسور واذتني المصاييد
تعال اتگرب وعاين علي زين
شوف اشسوت ابوجهي التجاعيد
لفالة جگارة وجر نفس حيل
وطگ الگاع بيدة وكال شتريد ؟
كتله الي أريده اخلص امن الناس
اريد اجناح أطير وكلشي ماريد
مو حزن لكن حزين
مثل ما تنكطع جوه المطر شدة ياسمين
انه كتلك مو حزن لكن حزين
مثل صندوك العرس ينباع
خردة عشك من تمضي السنين
انه كتلك مو حزن لكن حزين
مثل بلبل كعد متاخر
لكه البستان كله بلايه تين
مو حزن.....لامو حزن
لكن احبك من جنت يا اسمر جنين
الما يندل خيالي ابروحي ماخلي
وما يرهم عليه ولو نفس جيته
التعداني ابحلم يلگاني عابر ليل
الفجر گبل الشمس بعيوني وشلته
الما يشتاكلي ينترس حضنه افراگ
على الملگه من اسولف ماتذكرته
بيها اوداع روحي ايكفي كل الناس
خسرها الجان ضنه الروح خاسرته
من مثلي بلروح لجلك باع بيها وسام
صاحت خلت عشرتي واظهرت بيه وسام
من كبلك ابليس افتن بين حام وسام
معذور ماعاتبك ذاتك علي حالتك
من حيث لن عكربه تلدغ طبع حالتك
ادعي عليه بكسر ايد الذي حالتك
جف اليطعمك شهد حنظل سكيته وسام
الليله شيصبرهه عيني اذكرتكم!!!؟؟
هيه وجروحي تلاگن يم صوركم
گلبي يسالني عليكم .....
كون هسه ابين اديكم
ميت شينفع بعد گلب الخسركم!!!
.الليله شيشد جرحي شيسّكت النزف؟
يستر الله الليله عيني شگد ترف
الليله رد بيه الزمان.....ردني للحب والحنان
غربه كلهه الناس ماترحم بعدكم ..
من تمشي أشوفك ملك
بآلليل وجهك گمر
والصبح وجهك شمس
يلـ بيك كلشي حلـو
مرات من تبتسم
أتمنه من ضحكتك
أترس جفوفي ترس
