عساه بذمتك راح اترك النوم
اذا ماريد اشوفك يعني مانام
حسرة علية اغمض جفني لحظات
كبل يم بابكم تاخذني الاحلام
دكلي بغيرتك هم تقبل بهاي
عن طبكت جفنهه عيوني صيام
طحت يمك دخيلك راسي مطلوب
بمحكمة الشماتة اتحاكم اعدام
صدك ظميتني بس للاسف وين
على درب الشماتة بقفص من جام
الحمداللة عرفت شبيك مابيك
وميزت الحقائق عن الاوهام
كبل جنت من عوفك ظرف لحظات
كل لحظة التمر تنعد بالف عام
بس وداعتك هسة الوضع غير
تمرني سنين هجرك جنهن ايام
العزيز
نهاد الخيگاني
قطار الشوگ فاتاني …… وراحل
اشد حيلي ربع ساعة … وراه احل
راح الحيل والملگة … .. وراح الــ
ــــهوى وضليت چن تمثال أميه
ردت منك سبب بي اقنع الروح
تتسائل عليمن ظيعتهه
الغشيمة المشتريتك بعلى الاسعار
على ماذا ولمن خايب بعتهه
اكولن ماجيك وكاطع وياك
عتبت داركم جا حلفتهه
من كد ماعليهن رايح وجاي
الك روس الشوارع كسرتهه
ومن كد مابابك واكف سنين
ارسومي بابك انطبعت شفتهه
لكيتك تستلذ لو دمعتي طيح
عصرت عيوني يمك وشلتهه
شفت دموعي خلصت بيش اسليك
طلبت عيون جيراني وجبتهه
ابو حيدر
نهاد الخيگاني
تبدى الصبر من عندي والم بيه,,,,,,وجرحي بالكلب ينزف والم بيه,,,,,,,يلوم الوكت ظل بية والوم بيه,,,,,,,, جرعت الصبر بس ما فاد بيه
(كفى رياء .. كنا ننتظر الحزن)
عودتني
انتظر..
وارسم عله الايام موعد
عودتني
العيد يعني الناس
ووياهم اعيد
كتلي .. من يعتك جرح
جرحين
يتلاكه وجعها
وعودتني
عودتني السفن..
من تصفح اكبال الريح
تتمزكـَ شرعها
كتلي:
ما تبكه سفن
والناس يعيروهه:
خشب عادي
وايغركها دمعها
ردت اكلك!
والتهينة
وفاركتني
ردت اكلك
عودتني
عودتني
اترك ابيتك بطاقة عيد وموعد
واكتب ابابك اذا مسافر
جلمتين
ولكيتك سافرت من غير رجعة
وعودتني..
مدرسة الشعر والشعراء
مظفر النواب
ياريحان
*.....................*
أشكد نده.....
نكط على الضلع
ونسيت أكلك يمته
أشكد رازقي ونيمته
وأشكثر هجرك عاشر
ليالي الهوى وما لمته
إنت سحنت الليل
بكليبي
وكلش موش أنت
****
يا مه التراجي مرجحن
حسك الصافي وغفه
ويامه الدمع ضوه سواد العيون
جانت ترفه
وتدري تنيت الدفو
بلهفه ورده
وما جيت ونيمني الثلج
والشته كله أتعده
لا بالمحطة رف ضوه و لاخط جانه من البعد
لا ريل مر على السده
والشته كله تعده .. كله تعده
و أعلكنه للصيف اليجي
روازينه السمره
شمع
من ينزل أول الدفو بنيسان
يهتز نبع
يمكن يخضر دمع..
يمكن بعد بالروح , يا ريحان وصله تنزرع
والكيظ أجانه و أنكضه ورد أنكضه
ورد كيظ أجه
والزلف هجرك فضفضه
ورد فضفضه
وما مش رجه
****
ولساع من همسه تجي من بعيد
يخضر دمع
كل نسمه ترفه من تفك الباب
يخنكني الدمع
لساع ... ولذتنه أنكضت
أهجس على الكصايب شمع
وردود أكلك ... يمته؟؟
أشكد رازقي
ونيمته
أملني يسمر بيك
كل عمري أنكضه وأملته
حنه خيالك بالحلم
خايف يجي وأمنته
****
كل لحظه من هذا العمر
وعت حسافه بكلبي
يا أول الريحان يلعطيت
نويه بدروبي
ي أخر سوجي حنيني وحبي
من يوم طيفك هجر نومي ما نمت
حنية يا جذاب منك
ما شفت
من ظني كضك بالحلم
عنبر فحت
من ردت أجيسك جست روحي
وفرفحت
أترف من أجفاف المهر
قندون ...ما ضايك شكر
يا حلو يا بوسة سهر...
يا ترف يا ييزي قهر
شيضرك ... بكل شته الولهان
لو صحوة مطر؟
والشته كله تعده
والكيظ هم أتعده
شجاب العشك؟ وأشوده؟
لا بالمحطة رف ضوه...
لا خط أجانه من البعد
لا ريل مر على السده
*****
ولساع ... مشدوده شبكتك
عل الخصر
والركبه من تلتاف للبوسه
جسر
بس أنت تدري شون رصعة بالنحر
والشته شايل شليله
من يمنه وعبر
واسألته يا شته العشاك
ما عندك خبر
لك يا شته العشاك ما عندك خبر؟
والكيظ أجانه و أنكضه ورد أنكضه
ورد كيظ أجه
والزلف هجرك فضفضه
ورد فضفضه
وما مش رجه
..............................
للشاعر الكبير
مظفر النواب
ستاير لونها فراك
وتصاويرك برمشي
تعال اسمع حجي الناس
تكول الناس كلشي
شباب ويوم عن يوم
قطار العمر يمشي
اغنية عراقية
أشكد نده ...
نكط على الضلع
ونسيت أكلك .. يمته
أشكد رازقي ونيمته
وأشكثر هجرك عاشر
ليالي الهوى وما لمته
لمن سحنت الليل
بكليبي
وكلت موش أنت
النواب
مُؤلِمْ أَنْ تُحَآدِثْ نَفسَكْ
بِ كَلآمٍ تُرِيدْ أَنْ تَقُولهَ لِ شَخصٍ مَآ وَ لآ تَستطِيعْ
بيگ جيه ؟
لو اشد امتاع كلبي
برفة العين واكلها
الراح راح وهاي
هيه
