أجى واحد عليّا وكالي شبيك؟
أحسّ حملك ثكيل ودمعة بعيونك
وأحسّ داخل كليبك نار تشعل نار
وأحسّ ظهرك حنيتة وهدّلن متونك
كتلة القصة هيج وهيج بيّا الصّار
صـــــاح الله أكبر، عمّي خيعونك
ما يسوون إظفرك خلهم يولّون
ما عدهم كلب ذولا اللّي يخونونك
تتعذّب عليمن أنتَ هم إنسان
بس دوس أعلى كلبك لا يدوسونك
وعليمن تنتظرهم والله ميرجعون
حيـل بعيد صاروا ما يذكرونك
ولو بيهم أمل أنتظر جان ويّاك
بس قاسي كلبهم ما يفيدونك
وأُخُذ منّي نصيحة وعوف دمع العين
صافن لا تظلّ باجر يعبرونك
بيني وبين نفسي
إشكد أفكّر بيك
وأكول إشمعنى أنت الشّاغل اضنوني
مو أول
عشك خاطر تشلّ الحال
ولا أول جمال إتشوفك عيوني
اي والله كلش مختنك
رايد اموتن يم علي
محتاج جفن وكبر
بنص السلام اندفن
وعيوني تربي للولي
ومحتاج ناعي حزن
ينعيلي شوك الكلب
ماريد ينعي الكبر
وبعاد عني هلي
ينعالي كون الحزن
خاطر الهم ينجلي
اي والله همي صعب
محتاج اروحن يم علي
محتاج اموتن بالنجف
هم بلكي يحضرالي
محتاج اموتن يم علي
گالتلي يمّه بعد لا تنتچي اعله الهوه .. وهذا الجرح ضمّه !
وابچي ولا تختنگ هيّه حلات ( الولـد ) من يبچي يم امّه ..
الحيطان منخل والدروب حفور
والبيبان صرخه بلا صدى ولاصوت
صفنه كمبره بوحشه مسية كبور
ووجوه الصغار الحاضنه الشباج
باكة ورد ذابل بالحزن معصور
والنضره متاهه وخوف يرضع خوف
من يهتز قفل حسبالهم شاجور
من يهتز قفل حتى الطيور تطير
مرعوبه جنح وبلا وعيهه تدور
ماضل لاملاذ يلوذ بيه الخوف
بس حسره مراره بحشرجه مصدور
قامت والمناير تختل ويه الناس
وتخاوي الرصاصه الصكر والعصفور
قامت والبشر مو بشر غابه زور
يحصدهه العصف ويلوجهه التنور
حتى الماي ورث والتوى الصفصاف
شاحب والنهر من كثر غيضه يفور
والموت بصلافه يدك على البيبان
ويوزع عليهه السدر والكافور
هنا دفتر كتابه ...هنا حمامه بيت
هنا وصله جديله بجف طفل مبتور
هنا تربة صلاه والدم عليهه هلال
هنا مصحف جلاله من العصف منشور
هنا صرخه نثايه تشتت بالريح
على جثه تململ من جلب مسعور
قامت والمنايه تدور فوك الروس
صفنت رحى الكاع ورحى الموت تدور
قامت من دخيلك ياعلي الكرار
مو هاي القيامه المن بعد مذخور
عريان السيد خلف
وگالو اسكت لاتحاچيهم ترى الضنيت بيهم خير لا کل خير مابيهـم
الما يعرف يلاوي الروج ليش يخاطر #ويغرگ
.
أحب معاتب المشتاگ
من ينگال .. #يتصـدگ
احاجي اليل عن اليضل سهران
اباوعـــــــــــله اثاري اليل نايم
بيه حسرة شايب مضيعله حيل
وصرت اشوف الموت من امشي وراي
اخ يادنيا البچت بگماطي ويل
كل هموم الدنيا مزروعه بگفاي
من عيني ما يطلع دمع بس التراب
وسنين مره الماعشت بيها بصباي
امنيتي ضحكه بليل كاسر بيه ليل
وغنوة معرسين ما تبجي اعلى ناي
ومادريت
الطين مكروه اعله صغره
ومن يشب تنور ينحب
عباس الغالبي
