هنا

[Diyaa Nawar2]

عيونك تصيب الگلب ...بسهام
يلي ابد ماشفت بهواك ...بسهام
انا طير المهاجر بالفضاء ... بسهام
اشوفك وانا تايه بالبريه

[Diyaa Nawar2]

انا بگاروك حبك ... وانته هزني
صرت فرصه بحياتك ... وانتهزني
انه شجره محبتك ... وانته هزني
وخلي الورد يتناثر عليه

[Diyaa Nawar2]

الك ياصاح ماظل - مني خاطر
واحسبه احساب دربك - من اخاطر
تعال كرب حبيبي - مني خاطر
تعرف اجنون حبك اسوه بيه

[Diyaa Nawar2]

حبيبي لا تظن انساك ... ولهه
دوه الروحي غرامك صار ... ولهة
الشفة والعين ترد عليك ... ولها
تدعيلك كل صباح وكل مسيه

[Diyaa Nawar2]

هلي وياهم چنت عايش ... بلاهم
ونهاري شماضوى مظلم ... بلاهم
هلي مدري الوكت شنهو ... بلاهم
ولاهم اعرفوا بالصار بيه

[Diyaa Nawar2]

باب الدار بجفوفي ... لحني
وحنين النوك ما يوصل ... لحني
وطيت لكن اسهمك ... لحني
بوسط قلبي وطبيبي احتار بيه

[Diyaa Nawar2]

قلبي انت ملكته ... وانت حر بيه
عليل وطبي عندك ... وانت حر بيه
كاس السم اشربه ... وانتحر بيه
اذا غيرك يمس اطراف اديه

[Diyaa Nawar2]

على ضيم الهوى ياروح ...علمي
وبيها ارفعت اني اليوم ...علمي
اسالتها المستوى وتكول ... علمي
بخامس باء يالتسال عليه

[ايناس♡]

قلبي انت ملكته ... وانت حر بيه
عليل وطبي عندك ... وانت حر بيه
كاس السم اشربه ... وانتحر بيه
اذا غيرك يمس اطراف اديه

الله عليك يا بيرد اليوم انت اكثر من رائع وابدعت

[ابواحمد عبدالله]

جبت كلب ثاني حتى اكدر انساك
صارت مصيبة وحبك الثاني
عليك تعاركن هذا كتل ذاك
زعل كلبي على كلبي وموتاني