وبهيده
وماتدري انته
وبوسن الشامة
واموت هناك..
وبهيده
وماتدري انته
وبوسن الشامة
واموت هناك..
تدنالي ..
ألعثك يشيم آبطوله
لؤن يستفحل آسﻻلي
يآاول ندى يتخوصر آبالي
يآاول حﻻل يصير جتالي
تدنالي ..
ألسلف يغتاض لو مامش
عراضة طين
تدبج لو رحل غالي ..
من آشم زيجك أظن مو عيب
ﻻ مو عيب
بس عيب آليطوف بحضرتك تالي
تدنالي ..
آريدنك مثل ماريد
سالوفه ودمع والكاس
ووشالة حلم ينباس
ناكع
غالي وي غالي
وآجيسنك مطر جانون
مايفتك
لؤن بكاعي كون يطيح
وأصيح آآآآفيش هنيالي
تدنالي ..
ماريدك صور بعيون
آريد عيونك كبالي
بلياك الهوا مو طيب و موزين
وكلشي بدنيتي ناقص طعم جنه
اني الدمعه صاحب فضل عالكيعان
و على المثلي صدك تتونس الونه
غنيتك سمار وراهنت تمتاز
بوكت جان الكمر يادوب يتغنه
الشاعر امير العلاق
شلي بغيرك انته و ألگه مثلك وين
و تتعب تلگه غيري بهلتعب شلك
عرفني اعله شخصك رايد احچي وياك
بس كلمه و بعد ما غيرهه انكلك
وحده من الاثنين او وحده راح اختار
لو كلك احبك لو احب كلك
اسأل ليش احبك حته اگلك ليش
وليش شما تسوي وياي أقبلك
لحظة موت عمري اسنيني كلهن خوف
بس اوياك أأمّن لمن أوصلّك
و انته آخر نفس واشگد عزيز أتصير
و بلحظة الموت تريدنه انملك
خيط عله الجرح باللحم صرت اوياي
لو كلّ الجروح اتطيب ما افلك
تعرف كلشي بيه و ما عرفت اشبيك
لغز حلك لغز من يگدر ايحلّك
الشاعر جبار رشيد
مو مثل البتوت الروح بتها
دشوف شكد بديها يلوك بتها
احب الشايله عالمتن بتها
تروح الروح من اتمر عليه
اون عليك طول الليل ونهار
ودمعي فيض الوديان ونهار
دليلي تمرد بفركاك ونهار
يمته تعودلي ونلتم سويه
بثوب العوز اجيتك وانه داوي
بلهيب النار اطفي وانه داوي
جرح الكلب ينزف وانه داوي
اداوي الجرح والعله خفيه
اشكو الى الله قلبا ﻻ قرار له..قامت قيامته والناس احياء..
الشمع عاقل
رغم ما عقله شايل خيط
الفيلسوف مهند حمود
مقطع من قصيده ( جمار الكَطن )
.
.
.
وأنا ذا بصيصٌ أحشى
يبحثُ عن رفات القمر الرؤوم في مقابر الظلام الآبق
بـ مجتمعً زئبقي .
لم يُدرك بعد إن الفناء في يقين العطش
أفضل من البقاء على شكل ماء
ولايُفرقُ بين الثورةِ والثروة !
فالثورة هي مظاهرةٌ على الظالم
والثروة هي مصاهرةٌ مع الظالم
لِمَ لا .. ؟؟
ففمُ الطاغية صنيعة الأذن الصاغيه
اللهم أرفع هذهِ الأمة عن هذهِ الغمه
الفيلسوف
#مهند_حمود
