من تحچي أشوفك يعني موجود ...
من تسكت أحسك يعني ماكو ...
من تحچي أشوفك يعني موجود ...
من تسكت أحسك يعني ماكو ...
شنهي أحساسك ... لو غربه أتعيش أبنص ناسك ...
شنهي أحساسك ... لو تلگه ألكل نام أبراسك ...
شنهي أحساسك ... لو يوگع من أيدك كاسك ...
شنهي أحساسك ... لو تلگه ألمايسوه ألداسك ...
أمشي أبگد خطوتك بالك أطيح ...
وحسبهن عدل لتهزك ألريح ...
دنيا والبلابل ماكو موجود ...
بل صارت عكس بس للتماسيح ...
تعال وخلي أشوفك كلشي ماريد ...
كتل روحه ألدمع من رحت مني ...
حبيبي أنته ألنظر والگلب وألروح ...
وأحس أنه أبغيابك ماكو چني ...
مو حرام أتعيش للحب والسلام ...
مو حرام أتكون للوادم حمام ...
بس حرام أتصير شمعه ...
وتنذبح بيد ألظلام ...
رغم ما بالظلام أيعيش ...
بس تلگه ألنمل مرتاح ...
أكو يمك صدگ بس عنك أبعيد ...
وأكو واحد أبعيد وروحه يمك ...
طفينه ألشمس خلينه خدك نور ...
شنسوي أبضوه وجهك أضاءه ...
من يصحه ألصبح وألليل نعسان ...
أحس چنك طفل شايل براءه ...
يل طولك ثلج من جوه ليفوگ ...
عمي أنته ألحلو چا شرد أگلك ...
تدري أنه أمنبوسك بيه شيصير ...
أحس كلي أنه أذوبن ويه كلك ...
حسب علمي الأرض مركز ثقلهه أيصير ...
حسب شدة جمال ألبشر بالكون ...
ونته ألكلشي بيك أيثير ألأعجاب ...
حته أللون أحسه أيحرك أللون ...