موفقين
موفقين
تسجيل
يا ريحة ورد يا هيل يا عنبر
ياشمام خدك جوري ومعطر
انه ابلياك ما اگدر
صافن بيك واتحير
تايه بالدروب افتر
يالحبك سكن بگليبي وتوزر
ما أكدر اعوفك والله ما أكدر
يا شمام خدك جوري ومعطر
علي الشمري
أمي من الزغر تنكل حطب .. للنار
ويفور جدرها ومدري .. شتركب
مصباح الحزن صبتلي .. بالماعون
ومن ضكت الحزن شفت .. الحزن طيب !!
كاظم أسماعيل الكاطع
والروح ماتحمل ثگل
مو ترفة!!!!!
تورطنه ويا ناس الما توافي
روحي جو حزنها كيفلها
غير الزم العكدة كيفلها
لكى بيها مضرتي كيفلها
يطش جكليت ويصيح خطيه
وينك طولت موهيج الفـــــــراك
تعال الشوفتك عطشانه العيون
انا امتانيك ترجع ترحم الحــــــال
عاقل جنت لكن هسه مجنــون
وانه المدفون حي بغيبتك هـاي
موشرط اليموت ايصير مدفــون
زعلان
بس يا زعل...
لمن ترد للصدكَ...قبل المنادي اجي
وشلون !! جيه اجي
اركض ...ركض محتركَ
يا للذتك بريتي
وين الكَه مثلك هوى
لولاك والله اختنكَ
هيه شراكة نفس
لو ...سكت كَلبك ...سكت كَلبي
ويدكَ...لو يدك
ولو ...ما وكتنه صعب
ماجان ابد نفترك
كلمن مشى الحالته
واحد سكن بالغرب ...وواحد ...سكن بالشرك
وسوالفك تنسمع...جن احنا حلك بحلك
جنت انه الوم النخل ...لو من ادين السعف بالريح يوكَع عثكَ
بس ...جربتها وشفت ...شفت العطش لو هجم
اول ضحيه العرك
بعدك ...صدك حاولت ولكَيت مرسى بجرف
بحر العيون الزرك
ولكَيت في وعطر...عند الشعرها فرك
بس ...ما لكَيت الوفه
والله عشكَنا عشك
يامن مقدر علي...غيرك فصاله صعب
جم دوب ...؟! ...اخيط واشك
ما اضم عليك شكثر...مرت بعيني صور
ومن غيميت ونزل من عيني ذاك المطر...بس انت تبسمرت
والباقي كلها زلك
ماضم عليك
الجدم غمض عيونه ومشه
وداني واني بطرك ...شفه واذن تستمع
للي خذوا غيبتك...مجبور افضي الخلك
وتكاتل ويا الحجي ...والخيل داست علي
سحكَت ضلوعي سحك
اصحى : براسي انطعن !!
اسكر : رمح بالكَلب
بين الصحو والسكر ...رمحين صفن طبك
عنت علي شوفتك ...واصبرت ...بس ماصبر كَلبي وصرخ :
راح اطك
جاباني الك واذعنت ...جيتك بليلة شته
ظلمه ومطرها رشك ...وشبعده صار الدرب
خوف ...ورعيد ...وثلج
وجفوف ايديه ....زرك
ها ...كَمت...ضميت ايديه
وردت عالباب ...بالروح ادك
بس ...كَالوا :_ المن تدك ؟
كلمن مشه بنيته ...كلمن مشى الحالته
واحد ...سكن بالغرب
واحد سكن بالشرك
المرحوم
ابو وسام (كاظم الكاطع)
ادور بيك عن ملكاي
بلكي اتوچد اوشاله
ولك ظليت…
السجن مرات وسط البيت
السجن يبدي اذا محد درى ما جيت
لا صاحب يسألك عن التحبها
ولا امك تزعلك لأن ما صليت…
.
.
موسى الحمامي
