سالفة بيها رباط قوي !
جان اكو رجال فقير عنده سيارة قديمة يشتغل بيهه تكسي ، وكل عيشته عليه ، ماعنده گراج بالبيت فـ يخليه بالباب ويضل الليل كله گاعد يحرسهه ، من يطلع الصبح للشغل جماعته السواق يشوفوه نعسان واحد منهم نصحه يشتري چلب ويربطه يم السيارة حتى يحرسهه ، صاحبنه راح للعرب وأخذ چلب من صديقه وجابه وربطه يم السيارة مالته ، نام الليل وگام كل يوم ينام من وكت ويشبع نوم ، وره اسبوع گعد الصبح لگه السيارة مالته ماكو ..!!
اتخبل راح اشتكه يم الشرطة ، فـ اجه محقق وياه يعاين مكان الجري...مه انتبه المحقق عالچلب وسأل أبو السيارة گاله هذا الچلب مالتك ..؟ گاله اي مالتي ، المحقق گاله انته اللي مربيه من هو صغير ..؟ گاله لا اشتريته من العرب من فلان ، وره يومين دز عليه المحقق وگاله لگينه سيارتك عند فلان اللي اشتريت منه الچلب ..!! لأن من اجه يريد يبوگ سيارتك الچلب مانبح عليه لأن هو اللي مربيه فأخذ سيارتك ..!!
انصحك نصيحة لوجه الله روح اخذلك چلب زغير وربيه انت بنفسك وابيتك حتى " إنتمائه وولائه " يصير الك ..!! مو تاخذ چلب متربي يم غيرك ويكون إنتمائه الك وولائه ووفاءه لغيرك ..!!!!!!
زين بربكم شلون تترجون الخير من حكومة ثلاث ارباعها جانت بالخارج وعدها جوازات اجنبية واجندات خارجية !
رد مع اقتباس
المشاركة الأصلية كتبت بواسطة محمد اركان العتابي
حلووو عاشت ألأيادي