هنا

[جورية]

بس نخطبت بطلت

صدك اذكرت نوم ماكو مستحيل اشبعين نوم لازم ايكعدوج
ويلا اترخص اسوي التمن ومعزومين ويانه تمن احمر وسمج شوي كبار

يالله كبرتي صرتي أم بيت
ع راحتج

[Ćat]

بس نخطبت بطلت

صدك اذكرت نوم ماكو مستحيل اشبعين نوم لازم ايكعدوج
ويلا اترخص اسوي التمن ومعزومين ويانه تمن احمر وسمج شوي كبار

واوز
الله يعينج

[اللؤلؤة البيضاء]

بس نخطبت بطلت

صدك اذكرت نوم ماكو مستحيل اشبعين نوم لازم ايكعدوج
ويلا اترخص اسوي التمن ومعزومين ويانه تمن احمر وسمج شوي كبار

بعد ما احد تزووج من وراج

[المهاجر الزيدي]

واني اقدملج نصيحه ديربالج على زوجج لا يتزوج عليج
وكذالك ديري بالج عله اهله حته يحبج

[تّـفـاَصيلـٓ]

هاي صدك ....
يدردم شنووو اجهاليهه شنوو
وكل واحد يغسل ماعونه هع
هاي انتي مقتنعه

[سمراء من قوم عيسى]

ياعمي كلامج درر تسوين هذني كلهن وما يفيد بشي سوي العكس بس لازم تبقى شويه تنازلات منج لابو زوجج او امه واجب عليج تلبين اوامر زوجج

[فقد الاحبه]

هههههههه....هذا الكلام غير صحيح وغير منطقي

[Osamah S. B]

هههههه خوش نصائح ، متأكد انت ولا وحدة منهن مطبقتها.

[^-^بطيخة^-^]

صباح الورد شخباركم شلونكم بعد ذلك
.....
ساخبركم بما مريت بيه وانصحه كل بنت
من تزوج تهتم لهاي الامور
راح اوزهن.

لا صيرن ودكولين بكلبج خل اشتغل اول يوم عرسي حتــﮯ يشوفوني ويكولن سباعيه
صيري عاقله واكعدي واسكتي. هذا اليوم مو مثل كل يوم
اني ساعه 10 بليل صبيت اكل وغسلت مواعين
ونظفت تنظيف شلالي.

لازم جنتي متحمسه .. بمكانج اگعد ابجي ع ماما .. الواحده لازم تشتغل وياهم بس صح صعبه من اول كم يوم :$ يعني جديده وكذا شكو اتدخل بالاماعين والاكل
بس اذا م عنده اخوات او هيج يساعدون امه بالشغل لا اكيد اساعدها ليش اصير انانيه هم تتعب وحدها ؟


لا تضحكين ويا اي واحد من البيت وقللي حجيج ولا اذبين اميانه من هسه

جايه انكد عيشتهم مثلا اصلا تلقائيا اول فترة اخجل وكذا وما احجي مو معناتهه ابقى ساكته للتالي ومسويه روحي بوم لا اضحك ولا اسولف وكذا الى ان اعرف طبعهم ونفسيتهم وهيج حتى م يستغلون طيبتي وهيج .. واصلا الفرفوشه محبوبه ^_^ بنظر العوائل المثقفه طبعا &: ووطبعا بحدود تمنع الاستغلال



اذا جان عندج حمه او حماة ازغر منج لا اتخلينهم يجرون عليج ولا تنطيني مجال لهذا الطفل لان مهما يكون هوه طفله

ليش مو خطيه واذا اصغر مني *_* .. بس مو لدرجه يضرب او يغلط . كل شي بحدود ^^ اعاملهم مثل ما كاعد اعامل اخواني ..


لا تغسلين مواعين مو مال الغده او مال العشه او مال الريوك يعني المقصود من ياكلون وحدهم خل هم يغسلوهن وراج لان اذا غسلتيهن مره وحده راح اظلين دوم اتغسلين وراهم

بس بهالفقرة أأيدج اني ببيتي ما غاسلتهم اروح هناك اغسلهم .. امزح بس اذا بس الام الكبيرة موجوده وما عندها بنات وشي واذا اكلت ورايا مو خطيه هي تغسلهم ؟ اذا متعاجزة اغسلهم بعدين واذا عنده اخوات اساعدهم بس ما اخليهم يتعودون كل شي عليا


اصلا اصلا بوقتها اخلي زوجي يشتري غساله اماعين لانو اكيد يخاف ع ادينات زوجته

لا تهتمين لهم اهواي بحيث اتفذين كل طلباتهم
لا اتتدلين رجل واتعوديهن علﯼ انج اسويله كلشي خلي يتحرك منان منان

لعد المن متزوجني اذا ما ادللـه خو يعيش عزابي نفس الحاله .. بس اكيد مو لدرجه ادلـله لدرجه يكعدني من النوم اسويله جاي لو هيج .. كلت لج كل شي بحدود يعني لحد معين ما يتمادى عليا بالطلبات ويشلع گلبي ويتعود كل شي عليا *_*



لا تضوجين او تهتمين اذا جانت عندج عمه بين قوسين ام رجلج اجهاليه فقط ومهما تحجي حاولي اتسوين التريده شوي منه

اذا حبابه وتحبني ومريحتني مثل امي شكو دا اعاملها هيج .. واذا م تراهمنا انا وياها عادي اعزل ببيت وحدي وانهي المشاكل بلا اتجاهل وتتجاهل الصبر مفتاح الفرج ^^ اتحمل وراها يصير غير اذا مرمرتني


اني عندي شايب يوميه يدردم الصبح ومسويه روحي ماسمع ههه الشياب هيج ايفيد اوياهم

مو خطيه .. اذا ما اعتبرتيه ابوج اعتبريه خالج او عمج -_- .. خالج و عمج ما تسمعين الهم ؟ الاستماع يعبر عن الاحترام .. حتى لو م نفذت اللي حيكوله اقلها اني محترمته ودا اسمعه .. مو تتجاهليه ؟


يلا حبييتاتي انشاءالله كلجن اتعرسن واتفيد النصياح وياكجن وحيات سعيده بدون عجوز وشايب ههههه

نعزل ببيت وحدنا ونخلص اصلا منتزوج ههههع

الله لا يسمع منج كاعده عند ماما وبابا ويوميه اصبحهم بطنگورتي شحلاتها هاي
ههههه .. حاولي تكونين الطف غلاي وكوني حدوديه لا كلش كلش ولا فنش و قللي الانانيه شوي همين لا يروح زوجج يرجعج لاهلج لا سامح الله بس الواضح قصدج ما نكون لينات زيادة حتى م ننلوي

[هدوء الياسمين]

شني هاي حبي
انتي رايحه تتزوجين لو تتعاركين و تتنافسين؟

بالنسبه ليا اني ما اطبق ربع نصيحه من نصايج لانها غريبه كولش و اعذريني اذا كلامي بي شي يضوجج

اتوقع انتي تريدنا نكون شخصيات و نفرض نفسنا مو؟ هاي التقصدي بحجيج مو؟
تحياتي الج حبي #حبنج
الله يوفقج