للأحزان گلبي كتاب
للأحزان گلبي كتاب يقرا مصاب بعد مصاب
للأحزان گلبي كتاب يقرا مصاب بعد مصاب
راحولي طفلين صابوني سهمين
راحولي طفلين صابوني سهمين
***********
هاي امك الوديعة واسمعها شتگول
لو عاتبت عتبتها يالغايب يطول
بالرحمة للبرية والدها مرسول
والظالم الظلمها عن ذنبه مسؤول
كل ماراد يبدي اعذار انسى شلون حرگ الدار
ظلموني بثنين صابوني سهمينظلموني بثنين صابوني سهمين
والمارعوا حجابي شرهم بالعيــــــــــون
هجمة عدو عله داري گصدوا يهجمون
عن كل حقوقي اسكت من عندي يردون
بَضعة مُحمد آنه وكلهم يعرفون
هاي الناي ناس أوغاد
عدها گلوب كلها أحقاد
شلّهم علَيّ دين صابوني سهمين
شلّهم علَيّ دين صابوني سهمين
***************
عنهم ردت ملاذي من اجل الحجاب
يالغايب عله صدري من دفعوا الباب
صابوا گلب جنيني وي گلبي النصاب
والمحسن الفجعني دم دمعي سچاب
طفل الطاح كوكب نور عمره الچان سبع شهور
مني خَذه البين صابوني سهمين
مني خَذه البين صابوني سهمين
************
دار الوحي الأسمها مشكاة الأنوار
للهادي والرسالة مستودع أسرار
يستأذن بدخوله من يُدخل الدار
وبلا خجل أجوها دخلوها الأشرار
يابو حسين صحت بصوت خلف الباب شفت الموت
عني رحت وين صابوني سهمين
عني رحت وين صابوني سهمين
***********
عن الأعادي ستري من عندي مطلوب
گبل الضلع جنيني حسيته مجروح
عله الحايط العصرني دم صدري مخضوب
ما تنقبله توبه لورايد يتوب
اشكي الحال للمعبود عالظلاّم عندي شهود
عن ضلعي والعين صابوني سهمين
عن ضلعي والعين صابوني سهمين
**********
يامن ردت تناشد عن بيت الأحزان
عالمحسن ومصابه كل الحزن چان
سوط العدو عله متني من عنده نيشان
وعيني الذي طفاها عن هضمي برهان
ماتنزال بيه جروح والمهضوم طبعه النوح
فجعوني مرتين صابوني سهمين
فجعوني مرتين صابوني سهمين
**********
أول جرح جنيني من بين الجروح
وبلوعة انتظاري والمحسن يروح
ثاني جرح جعلني ما أگطع النوح
ظامي الچبد وشوفه عبد الله مذبوح
لو هليت دم ودموع بيد حسين شفته يلوع
وبطفل الحسين صابوني سهمين
وبطفل الحسين صابوني سهمين
************
ماينوصف شعوره مجروح الإحساس
مثل الزمن فجعها هم شفتوا يا ناس
چبدي بطشت اشوفه وفوق الرمح راس
والأكثر بدليلي جرح ابني عباس
واخته تصيح گلبي احتار گوم وشوف خيل ونار
من عدنه چفين صابوني سهمين
من عدنه چفين صابوني سهمين
**********