عجــــب ليل اليمر جن طول السنين
مامش نـــــور عــدنه ايبشر ابصبحه
انخـــــــــــه الكمر بلجن ليلة ويروح
واحس ابفجر يطلع عالوجه واصحه
عمر ضيم وقهر وابلوعــــــــــة الاه
بس يلجـــــــم جرحنا وكبّر ابنضحه
رسمنا ادروب تمطـــــر بس العيون
وعلى اورود النمرها اعيونه امشبحه
مشينه ابنص جمر مـــــا جنّه عدلين
ظلام وخيّم اعله ارواحنـــــه المرحه
صفينه ابلا نبض والشهكَـــه جن نار
حسرة ضيم اهدهــــــه وتلسع اللفحه
بسمه الناس ترسم واحنـــــــه بركان
ابلهيب الدنيا والله ارواحنـه اموشحه
صلفــه اعيون وكتي وكتلت الشوف
بينه اسهـــــام يرمي ابنظرته الكبحه
صلف كلش صلف ويــــــانه جا ليش
كل عـــــــالي ابكلبنه ايهدم ابصرحه
عجيبه اشلـــــــون يلجم بالنبض دوم
زرع بينه الالم مـــــــا يزرع الفرحه
قلمي الان
واثق الكرناوي
رد مع اقتباس
