ماحب غيري أحد يمشي وياك
أغار اعليك حته من خيالي
كون اصعد واضمك فوگ النجوم
حته الناس جوه وإنته عالي
ماحب غيري أحد يمشي وياك
أغار اعليك حته من خيالي
كون اصعد واضمك فوگ النجوم
حته الناس جوه وإنته عالي
كون ايصير كلشي بعمري مگلوب
وارضه بكل شي يطلع عن أصوله
كون اول حياتي الكبر والشيب
وآخر لحظة من عمري الطفولة
چنت محتاج اشوفك من چنت
ماشوف
ردتك عين الية بوكت عازة
گزازة انته واضمك بين العيون
وياعين التغمض عالگزازة
كتبت اسمك بصفحة حايط البيت
ومن حس بحنانك صار مسكين
طاح البيت لمن إنته مريت
ولك حبك سطر حته الحياطين
منهو الگالك بيك آنه مجنون
ومنهو الگالك ماكو مثالك
گبل لتروح خل اتراهن اوياك
من باچر أحب انته بدالك
الگالك إنته حلو ماأنصفاك
وانته شفاف وتموت من اللمس
مغيمة خايب وانته مايع چاشلون
يمكن انته اتموت لوتطلع شمس
من گد ماحلو محد مشه اوياك
والماشاك هم ماظل يماشيك
إهو ماشاف دربة إتعثر وطاح
لإن گظاها بس ايعاين اعليك
مو بس آني أذوب وأخدر إعليك
إمن احلم بيك حته فراشي يخدر
منو گال الگمر يفتر على الگاع
الگمر شافك وداخ وگام يفتر
سولفلي اعله كيفك حته اعرف البيك
وانته بكيفك احچي امنين ماتبدي
رايد كلمة منك خايب انته اشبيك
وآنه اباب حلگك گاعد امجدي
حلو وتتگلب ويختلف وضعك
وگذلتك طايرة وتلعب على الريح
الوحيد انته حلو ومحد يتبعك
لأن من تمر كلها تدوخ وتطيح
