صاح النهر عباس ياماي الطفوف
ثق آنه عگب جفاك عطشانك جفوف
صاح النهر عباس ياماي الطفوف
ثق آنه عگب جفاك عطشانك جفوف
يمّتة ملك الموت
يوّگّف بالنجف ويصيح
يمعودين كافي؟!..
عدنا شبان بطعم
برحي الجنوب أنطوها
لحّلوگ المنافي..
اروح لوين
يا شارع يلمني بليل
مامش بيت من سوالفك خالي
هونك
اتهده وية كلبي !
وبسك إتمرجح ،، تره خويطة رفيع !
حلو جرحك واحس تعلقت بي
واحسب لا تشوفه عيون تحسد
عثرت بجرحي الأول
وطحت يم ذاك العشگ
ومن حنيت
اتبديت
مثل الماي
اثاري انت جنت ناسيك
اي ناسيك
بكلبي نبض ويدگ
تعبت هواي
أريدن أمشي مثل الناس
فوگ الگاع
مو بالحفرة مثل الماي
من ضيم اطيح بضيم ماشفت كلشي
أعثر وطيح ابير كل خطوة امشي
رايد اشبگك حيل حد كسر الضلوع
كون الكسر بي صوت يم الله مسموع
أرخاص
ومشتريهم
بالبقة من الروح
ونسوا وبطكة ناگص باعوا أيامي
عدهم طيحتي
طيحة برد بالصيف
ترفع روسهم من تعثر جدامي
انه اتفائل بحضنك ذنب بس بي خير
وأميل لحر جهنم لان حضنك حار
من اطب لجنتك للنار اطب مرتاح
حاضن ع.الأقل لا بايك ولا ضار