نصن بالبواچي الليل مسموع
انه ماي و تبده اشنفع دموع
يبويه الحزن مو سود الّهدوم !
تره فگد العزيز أيحز الضلوع
نصن بالبواچي الليل مسموع
انه ماي و تبده اشنفع دموع
يبويه الحزن مو سود الّهدوم !
تره فگد العزيز أيحز الضلوع
تشتاگله
وتنذرله ماي عيونك
ولوغاب عنك تنعرف من لونك
كون التحبه من صدگ يستاهلك
ويهيم بيك بلاوعي ويشتاگلك
مو چلمة التنگال
هسه شلونك
أنه ملبّس دموعي بتوت للمعدان
وحسراتي نثايه ولابسات حجول
شما گول المصايب كبرن إعلى البال
أرد واصفن عليهن بعد بيهن طول!
شما اكتب قصايد خاطهه من الروح
وبعد بيه وجع بالشعر ما مگيول
وحگ كل دمعة سمرة مرافگة الجناز
وحگ گاع النجف من تشتهي المكتول
أظل إرماد.
.بس نار العشگ بيه
وافرفح بيك
واصعد سكته الك..وانزل غنه ابطاريك
ينثرني الحزن
واتشلبه إلك عالشوگ
ما امر بكل حديقة خاف اشوف الورد
واتذكر عطركم
ما اسولف وي احد خاف نص السالفة
واذكر اسمكم
انا المتعوب من صباي لليوم
والف غروب يمسي عليَّ الغروب
وانا وي الحزن ما نفترگ يوم
بدوي وگمگمه اعلى النار منصوب
حرگ بروحي حرگ وبناري اتچوه
واغصب جروحي غصب وعلى الصبر گوه
اتناغه ويه الصبح وادري الصبح هم ليل
وسنين عمري گضن ونَه وحسافة وويل
يـ هنياله
الغفى بلا طيف يحفظ مستحى عيونه
و يـ هنياله
الـ لگاله شراع ياخذ واهس اظنونه
ويـ هنياله..
يـ هنياله الحظى بلونه!
تره الضحكة الغميجة تريد راحة بال
ميچودر ضحك بشفايف المذلول
أنه شايل وجه ميلوگ للبطران
ويگعد للثكالة فصال عرض وطول!