هنا

[تّـفـاَصيلـٓ]

ياضحكتك ربي خالق بيه ماي
ويابشر تنسمع جنك عافيه
اشتهيت اسمع حجي مرادف حلا
الله سخرلك سؤالف دافيه


بقلمي

[تّـفـاَصيلـٓ]

ابالـغ لو گلـتـلك انَـي بس مشـتـاگ
.. لـأن شوگـي بغيـآبك وصل حده
.. مـاشفــت الفرح ودموع الفـرآگ
.. حزينـه عليك تنزل وحدهـ وحدهـ

[تّـفـاَصيلـٓ]

من چفك أغار لچفك ايلوح
أگص ايدك إذا لاحتها إيدك
أكتب ما أريدك تنشف الما
ينشگ دفتري وتبقه أريدك

[تّـفـاَصيلـٓ]

كمالك وي جمالك هو خلاني اجيك و اعتني لشوفك واهم بيك
اذا الوادم تشم الورد من فوك
من جدمك لحد راسك اشم بيك

[تّـفـاَصيلـٓ]

آنه من ظهرك شفت بيك الجمال
وجيت اشوفك حته اصدگ اضنوني
ومن درت وجهك علي وتبسميت
شكر من وجهك طفر بعيوني

[تّـفـاَصيلـٓ]

تعال بكل وكت تلگاني موجود
بس كونك تجي مو ما تجيني
واذا ماجيتني هم تنحسب جاي
لأن موجود انته بوسط عيني

[تّـفـاَصيلـٓ]

مر بية نهر عطشان الك موت
يمته جروفي يرون بيك يمته
ماطاب الجرح لتشوفه ملموم
من گد الألم عظ اعله شفته

[تّـفـاَصيلـٓ]

گلناله حلو وبس الله يدري شلون
صرنه عيون كلنه ومنه مانشبع
گلناله الشمس بس تطلع انته تغيب
عله اعناد الشمس كل ساعة ظل يطلع

[تّـفـاَصيلـٓ]

إنته قمة بكلشي وبكلشي ملاك
وكلشي بيك مرتب وحسب الأصول
إنته غيرك من يمر توگفله ناس
وانته لو مريت توگفلك عقول

[تّـفـاَصيلـٓ]

امن اعيونك أعرفك وافتهم شتگول
واقره بكل وضوح اشتكتب اعيونك
شلونك من تگلي الدنيه بية تطير
واعوف الدنيه كلها وأشبگ اشلونك