السلام عليكم
بخصوص لعبة البيكيمون والله العظيم انا متاكد راح تصير بلاوي سوده من وره هاللعبه بالعراق واذكرو كلامي
اولا :
عموري : ها علاوي وين رايح بهالليل ؟
علاوي : والله اخويه اكو بيكيمون مرتب بالعلاوي اروح اجيبه واجي
ثانيا :
علاوي كاعد بالبيت ويجي عموري
علاوي علاوووووووووووي هاي وين ؟
ها ضلع شبيك ؟
اكلك اكو معركه بالتاجي تخبل امشي نروح بسرعه .
لا لا يمعود الدنيا ضهريه وحاره نار شيطلعنه
اكلك امشي لا اتصير نحيس
ثالثا :
عموري يجي عبيت بالجامعه يدك الباب
عموري : مرحبه عمو
ابو البيت : هلا ابني اتفضل
عموري : عمو اكو فد بيكيمون بالمطبخ مالكم بس اجيبه واجي
ابو البيت : ابني شعتخربط انت شارب شي ؟
عموري لا عمو هاي شغله اكبر من عقلك بس خلي افوت واخذ البيكيمون واطلع لا اتصير نحيس
ابو البيت : شو انت متستحي على روحك طاب طيب على جلاق على راشدي على انعال مرتب
ويرجع عموري للبيت وابوه باحد الوزارات الحسايه او قائد باحد الفصائل الماتتسمه
ها بابه هاي شبيك ؟
بابه اكو واحد كتلني
وتشتغل تحريك القطعات من الجبهات على بيت الموجود بي البيكيمون
او اتصير اطلابه عشائريه وثارت وتخل بيها سواف انتو تعرفوها
ها شتكولون كلامي صحيح لو لا ؟
رد مع اقتباس
