بعد ابعاد حفنه سنين الي عاد ....... ورمح فركاه لسه بكلبي محطوط
تذكرني واجه لو جاي هداد ....... لو دلن براسه ويشرط شروط
تغير هالوكت لو كرب بغداد ....... رضت روحه يجيني ويعبر شطوط
مثل تايه اجاني وماله نشاد ....... وامتيه استكانه وبالهوى يخوط
انا معافى مشافى وناسي الوساد ....... حركت اصور عشكنه وكل الخطوط
يواعدني بجمر ويجيبلي رماد ....... وجمر كلبي جمر شجرة البلوط
وعدني يروف جرحي بخيط وضماد ....... وخز مخيط اهيسه ومامش خيوط
صحيح انه انغري بجلمات الوداد ....... واموتن عالترافه ومشي البطوط
لجن عندي كرامه اتحدد حداد ....... واجرع عالبحر ماتاني ناكوط
انه طبعي السميجي يشوف البعاد ....... وصيد زغار من دونك يشبوط
انسه حجايتك ماتاخذ مراد ....... ضوه الكمره تريد اتجره بخيوط
ماريد المحبه وياك تنعاد ....... اريدن بزمكي من بلاده ملكوط
حبك صار مثل هدوم الفراد ....... وياهو الرضه بخركه يبدل القوط
وياهو الرضه بخركه يبدل القوط
رد مع اقتباس
