لا تنتظر
يزي اكبرت
والدنيه صارت موش الك
وراحت مشاحيف العمر تفتر فلك
عيونك اعلى دروب العشك
غصن الصبر ظل ما يطك
لا تحتركَـ
يالزارع الآمال بسنين الوهم
اثمر ورد مصبوغ بجروح الندم
شليلك ثمر جذاب مابي كل طعم
اتأسفت على أيام المضت
مامش بخت
رديت تمشي بلا كلب
وفراكَـ دنيانه تصب
حبك صعب
بيدك مجاذيف الضوه وثكلن اهمومك من زغر
ما ندري دنيانه تظل بس ليل ما بيها فجر
لو طلفح كَليبك صبر
لا تنتظر...
اسمع سواليفي شكثر
جرني النفس للكاع .. وك ما بيّ أجر
بدموعي موتّ الضوه ..والددنيه وحشة
ابلا بدر
مو فاضن اعدول الصبر
مامش فجر
ومشيت سنطة بلا حجي
بطل يدلالي البجي
اتعكز على اوعود الترف
والليل تدريبه كلف
ماظن يعف
وضلوعي هزهزها البرد
حسبات تاخذني وترد
كَضبة عرد
حصلنه من تالي العشك كَضبة عرد
او ظليت أشد بجروح عمري شكد أشد
ابذاك البرد
شديت كسر البضلع.. ومشيت ودموعي تهل
ومشيت متعني الترف
طلعولي وضلوعي اتخذف!
وشعندك بتالي الليل .. نام النجم نام سهيل
والشوكَـ راح ويه السيل
والخيبة تعصر بالكلب
رديت ماعرف الدرب
وك يا كلب
غفلة الدموع تموت برموش الجفن
ما ندري تالي الشوك بس ذلة وحزن
رد مع اقتباس
المشاركة الأصلية كتبت بواسطة مهند السلطان
