هنا

[بهلول الرشيد]

السلام عليكم
رمضان كريم على كل دره وياقوته في المنتدى
نسمع من ابائنا واجدادنا بان الارض مسكونه
ودير بالك من الطنطل
والطنطل كلمه لاتكاد تكون قديمه
طنطل وكلنا طناطله بهذا الوقت لانه نصدق اشاعات
من اناس نثق بهم !!!
متى ظهرت هذه الكلمه البايخه ؟
ولماذا ظهرت ؟؟؟؟
الذي يجيب بمعلومه كافيه له كارت من عمووو بهلول
وخالتي ام حسن نصحتني البارحه
كلتلي لاتسير على هذا الطريق لان الطريق مسكون من الطناطله
تحياتي لكل طنطل يؤمن بهذه الخرافه
اجيبوني يرحمكم الله

[سجايا]

والله ياعمو بهلول .. موضوعك حلو بس راح تتنوع الحكايات ويطلع النا طنطل هنا

انوب وين نروح


راح اطرح الي سامعته دون اللجوء للكوكل

بالنسبه الي ماعندي اي عقيدة بهالنوع من الخرافات اطلاقا ً وعندي جراءه كبيره حتى بالليل

حسب مااسامعته عن الطنطل .. يُقال انه شخص طويل القامة كلش وعلى اساس اذنيه ايظا طويله

يطلع بالليل خاصة في الطرق البعيدة النائيه ..

ويقال انه يخاف من اي شئ حديد على الجسم

فيكولون من تمشون باليل خلو ( دنبوس ) على هدومكم ...

مرتين او 3 سمعت انه احد الاشخاص القريبين النا .. شايف طنطل

يابه شلونه ؟؟... يكول طووووووووويل واسووووووود وكل شويه يخلي ايده على جتفي وينغزني


خرافات مالها نهايه ولا بدايه ... كلها هواجس داخليه تصور اشياء ما الها وجو بالاعتماد على الحكايات الخرافيه

حتى نخلص من هالافكار .. والتخوفات .. نقرة المعوذتين والبسمله على طول الوقت ...


وابوك الله يرحمه ياعمو بهلول

والكارت انطي للطنطل

[بهلول الرشيد]

هاي دكتورة هاوس ابدت وابدعت
اطبكي على صفحه حياتي

[last samurai]

الطنطل المقصود بي اصور الجن ...واذا مو هذا المقصود فهو وسيله لتخويف الاطفال حاله حال سليمه والسعلوه وعبد الشط ... واحتمال مصطلح من الاحتلال البريطاني نظرا لسذاجة وبساطة الناس

[بهلول الرشيد]

شكرا الك نبيل وافسح المجال لغيرك
اطبك على صفحه حبي

[wassn]

اني بالنسبة لراي اومن بهاي الاشياء لان بالقران موجودةواكوحالة صارت بالمنطقة انو وحدة بنة كاعدة تشر ملابس بالسطح المغربية واجتي بزونة سودة هي كالتلها بس بس(يعني وخري منا)ههههه اجتي عضتها من رجلها وهاي لبنية بالليل القران كامت تشكة وشالت سجينة بيدها حتى تريد تكتل خواتها وبعدين صارت زينة ودوها للشيخ يعني اكثر شي موجودين بالقطط السود خاصة المغربية واني مااصدك بهيج اشياء الة هاي الحالة صارت يلة صدكت يكلون المشعوذين هم الي يحطوهم بالقطط والله يبعدنا عنهم وانت مالكيت الة هذاا الموضوع الي يخوف بس تدري احسن كلتة لان اكو هواية ماياخذون حذرهم والله يبعدنا ن هيج اشياء

[بهلول الرشيد]

ديري بالج على نفسج عيني ترى الطلانطل ينتشرون بالسحور واعتقد البزونه راح تعضك اليوم فخلي نفسك بصندوق واقفليه عليك
اطبكي على صفحه

[فيصل سالم]

الطنطل ليس حديث فى ادبيات الشعوب بل قديم جداً وتجده فى التاريخ العربي ولاكن باسماء اخري منها الغول والهامه والمارد ولاكنه يحمل نفس الصفات الضخامه والطول وخروجه بالليل

وهى خرافات بنيت على جهل واحياناً يتم تمثيلها فتتلبس البشريه شواهد كاذبه ومشكلة التخويف فى الصغر يبقى فى نفسية الانسان حتى بالكبر زارعاً الخوف والعذابات

ببحث الموضوع علمياً الجن موجود ويتلبس الانسان ولاكنه ليس بالانتشار الحاصل والاهميه الكبري المعطاه له ونتيجة انتشار هذه الخرافات هو لانجاح سوق الدجالين والمشعوذين والذين اجزم ان 99% منهم لا يستطيع الاتصال بالجان او ممارسة اعمال معهم

واينما وجد الجهل وجدت الخرافات والاساطير معها والمحزن ان بعض المثقفين وحتى اساتذة الجامعات يلجؤون الى المشعوذين لحل المشاكل وكل هذا بسبب انطباعاتهم النفسية والمزروعه بهم من الصغر

[بهلول الرشيد]

السلام عليكم
من خلال ردودكم النيره ارى لاوجود لمثل هذه التخرصات والخرافات لاوجود لها وان كنا نؤمن بان هنالك جن او شياطين الانس ولكن ماارته وتحديدا بالعراق بقال ان الطنطل يختلف تماما عن الجن وعند ذهابي بسيارتي الى احد اقربائي فقد حذرني ان لااسير على اتجاه ذلك التل !!! واستغربت من تلك النصيحه لماذا ؟قال انها ارض مسكونه من الطناطل ولكن بهلول تحدى التل ووقف على مشارفه واخرج سكاره من باكيته المفضل وراح يصيح يامعشر الطناطل هل انتم نيام ام مستيقضون اجيبوني !! ولكن الهدوء في ذلك المكان يكن حاضرا ورحت افتش عن تلك الاكذوبه والخرافه الباليه فوجدت لها اثرا وان كان خبرها يشكل في مخيلتي 75% حسب الاستدلاء من احد شيوخ العشيره وهو رجل كبير في السن وقد عاش عصرين متتالين !!وحينما سئلته اجابني
في مطلع الغزو الانكليزي للعراق ظهرت استكشافات لاثار الحضاره العراقيه المنتشره في جميع انحاء القطر والتي راح المحتل ينقب عنها الواحده بعد الاخرى وهذا مااوجد بعض الاطماع لدى العراقيين وملاحقة المحتل اينما ينقب او يستخرج بعض الاثار والاستحواذ عليها وعندما يرتحل عنها تكون سطوة العراقيين في الليالي المظلمه وهذا ماأشمئز منه المحتل فراح يجد لها الحل وفعلا نجح حينما درس نفسية العراقيين انذاك فجند لهذه الظاهره تلامذه له وراح يصرح بان الارض مسكونه من الطناطل وعند اقتحام الافراد لمناطق الاثار تظهر تلك الجماعات باجسام مخيفه واصدار اصوات غريبه فدب النفور والخوف لدى البعض وكبرت هذه الخرافه بمرور الزمن
وبقيت اثارها الى يومنا هذا
طبتم

[zahraa alabide]

موضوع رائع بس يعني الطنطل سالفته سالفه هههه تحياتي الك