المشاركة الأصلية كتبت بواسطة أمير الأحزان
افتتاح موفق صديقتي
تانيتك ضحك بشفاف الأيتام
واعرف ماتمر بس جنت اتانيك
على شارع العودة متاني ملكاك
مر حته لو جرح عالجمة ادليك
قنعت بعيشتك من دوني معذور
أنة بس ماكو عندي شرايد انطيك ؟
على اشفافي السوالف صارن امواس
يشكن حلكي اذا ماسولفت بيك
علية الدمعة بعدك جتي خطار
زحمة اطردهه جانت توكع اعليك
ولو ادري بعيونك شافت الغير
وعلي جا من زمان جروح ابجيك
جنت بيه جرح بس مستعز بيك
لذلك ماقبلت ابيوم اداويك
جذب فوك الحواجب تعلى العيون
هيجي اتكلي لمن جنت احاجيك
وعلت واستفحلت من شفته وياك
نفسة الباس ادية الحاضن ايديك
مكانك بالقصائد جان عنوان
بشطر منهن استحيف هسه اخليك
ولو قلت معزتك قلت اهواي
يعني وية الصفر مجبور اساويك
واخاف ابالك ارجع من يذكروك
جويت اذني بعد ميهزهه طاريك
رد مع اقتباس
