مجبورين!!_حسين الساعدي
مجبورين انودع حُبكم
بالأأه ودمعات العين
والروح العشكت جيتكم
والله ايعين المجبورين!
يا قسمه
الصارت مفروضه
والدمعه
الطاحت معروضه!
هاليوم انقسمت نصين!!
والله ايعين المجبورين
:::::::::::::::
ياقيس المجنون ابليله
ما عافاها الحد الموت!
ياقصتنا الحلوه الليله
ماتت وتريد التابوت!
الله اوياك
ويمك روحي
وانه الضميتك
بجروحي
واجروحي الصارلها اسنين
والله ايعين المجبورين!
:::::::::::::::
ما أنساك وما تنساني
واجروح الحُبك تذكار
ياحُبك شاعر سواني
والعالم تقرء الاشعار!
يامحبوبي
والله اوياك
والقسمه
الحرمت ملكاك!
هاي القسمه المدري امنين!
والله ايعيين المجبورين
مجبورين!
االساعدي
رد مع اقتباس
المشاركة الأصلية كتبت بواسطة ابوعلي/
