هههه....بانتظار شيء من اثنين ، الفضيحة على لسان جنابكم ...او خبر اغتيالكم ..ايهما اقرب (على گولة اعلانات تويوتا من تحچي بالضمان) ...خخخخالمشاركة الأصلية كتبت بواسطة Neo
هو اكو ربط .. حرارة .. صيف .. نابالم .. الموضوع يثير الريبة
والدليل
كل الكوادر الطبية اتفقت على ترويج هاي الخدعة ؟؟!! اني بديت اشك
بس طيارتي بعد ساعة .. اخاف انكتل .. اطلع خارج العراق ومناك اصرح أأمن
عزيزتي ...اذا التحليل هو ويدال تيست ...اللي يطلع تايتر ( هذا ابو النسبة مثل ما يسموه العراقيين ) و اللي يقرا (١/١٦٠ او ١/٣٢٠ ...الخ ) هذا التحليل العالم الطبي كله تركه ...بعد محد يسويه ..بس بالعراق مچلبين بيه ...احنا نعترف بيه بحالة وحدة انه يكون التايتر عالي جدا ًً مع اعراض حمى و تضخم الطحال و ارتفاع نسبة الكريات البيض ..و و و غيرها ..يعني بالفحص + تايتر عالي جدا ًً يالله نگول التحليل مشى وية الاعراض .
اما جاي المريض يمشي بطوله و شايل تحليل يكول طلع بية تيفو ...و هو صخونة ما مصخن ...فهاي يسولفوها للدبة ..
و اذا قريتي بالقصة اللي حچيتها ..المريض كان نايم عالگاع ما تشيله رجليه من الصخونة .
اي عمري قريت
اكيد لان مافي اجهزة ولا معدات طبيه مطورة
وخلك للاطباء ماكو
بس ليش من نحلل يطلع تيفوئيد وكثير يجوون عند العارفات يطيبون ؟؟؟
غريب انو ما زال يستخدم ... طبعا قبل سنين كان يستخدموه هنا فقط حتى يزيد index of suspicion
بس مستحيل يستخدموه علمود يطلعون definitive diagnosis اما الان (و هذا الكلام من زمان ) فممنوع استخدامه بالمختبر
المشكلة الاعتماد عليه يولد نتائج خاطئة و بالتالي استخدام مضادات حيوية (غير ضرورية بهالحالة) و يولد resistant bacteria
اتذكر الدكتور ذكر انو فقط developing countries ما زالوا يستخدموه
منو كال يطلع تايفوئيد ؟
منو العارفات ؟
شلون عرفت طابوا من التايفوئيد ؟
احنا هنا مختلفين من الجذر ..اللي ديقرالچ التحليل هو نفسه غلطان ...لعدة اسباب ..بينتها سابقا ...
المريض بالنتيجة ما عنده تايفوئيد ..
و على هالاساس ..العارفات او ما ادري همة منو ..لا طيبوه و لا بطيخ .
اوووف ...هذا الحجي كالولنا اياه من چنت اني طالبة بالكلية صف خامس ..گالوا ويدال انلغى ...و طلعت من الكلية و لگيت العالم كولش معجبة بيه ...و ما تزال المأساة مستمرة .
غاليتي اذا مو تيفوئيد شنو
الاعراض هي صداع شديد
تقيا بعض الاحيان
تساقطالشعر
نحول
عزيزتي ...بدلا ًً من ان اكون دجالة و اشخص لك مرضا ًً من اعراض عامة لا علاقة لها ببعض ...سأقول لك ما هي اعراض التيفوئيد للتتأكدي ان ما بك ليس هو هذا المرض :
أعراض وعلامات تيفوئيد
تظهر علامات وأعراض الإصابة بمرض التيفوئيد على االنحو التالي :
- ارتفاع تدريجي في درجة الحرارة يستمر عادة لمدة 7-10 ايام .
- الاستفراغ .
- فقدان الشهيه .
- خمول وتعب عام .
- الآم شديده في البطن
- تورم مؤلم في الغدد اللمفاوية.
- الإسهال في الاطفال .
- طفح جلدي نقطي وردي اللون على الظهر والصدر، يظهر بعد 3-5 ايام من الحمى، ويختفي تلقائياً بعد عدة ايام.
- البراز المصحوب بالدم .
- قشعريرة .
- تضخم في الطحال بيدأ في اليوم السابع .
- الاسبوع الثالث قد يشعر المريض بالهذيان ، تصعب حركته و يصبح طريح الفراش في هذه المرحلة تهدد حياة المريض .
- الاسبوع الرابع قد يبدأ التحسن بشكل تدريجي و تبدأ حرارة المريض بالهبوط.
ما يخص اعراضك ...لا يمكن الحكم عليها فهي جميعا ًً ااعراض متشابهة قد تحدث في امراض متعددة ..و الفحص و اساليب التشخيص المختلفة و دراسة حالة المريض بدقة ...هي الفيصل .
الله لايبلينا
لاغاليتي جان بااختي والحمد الله اتعافت
العراقيين شكد يحبون يوهوسون ويحبون الدويات
الواحد بس بطفولته يستفاد من يصير مريض لان يشترولة ملاعيب
اهم شي الحالة النفسية :123:
الكباب والملاعيب ترة ما الهن اي قرب للمرض
الموضوع بي وزن شعري
ولاتيفو
موضوع جميل
رد مع اقتباس
