ندمان ضكت الملح
بس ما كلت غلطة !
ندمان... ما بسطت بجروحك وسولفت
ابوكت كل اخوتك
بجروحك مبسطة
رمحك بجتفي انكسر
بس انه ما بينت
شديت فوكاه علم واصورك ابوسطه
وياك روجة وبلم
بس ما جنت مطمئن
وبوجهك اصفن جنت واتحاشى من صفنتي
الماي يكتل سلف من يصفن بشطه !
ندمان ضكت الملح
والطيب مو غلطة
خليتني اضحك جذب
وبكلبي سم ركطة
ناثر اسراري جنت وياك ما حسبت
من طاري غيمة جذب
توكفلي منجل خصر !!
اشناثرك حنطة؟
ناعور طيبي تعب
ووياك ياما درت
ومن كصتك للاسف ما حصلت نكطة
يا صاحبي انه كمر
ارجع شما غيمت
بس مستحي من النجم
جي ليلي بيه اطه
شميت بيك الندم
تشهكني بس مختنك
كابر بغيضك بعد اقراك وجه وكفه
وانغر لحدما تمل
متروس ذله تمر
شيفيد جذعك عدل وعثوكك مهبطة
رد مع اقتباس
المشاركة الأصلية كتبت بواسطة مهند السلطان
