وره المطره طفه من الغيم لون ابيض..
وره الظلمة انچفه بروحي ضريح ابيض...
خذوني بزحمة الشباچ ...
مدري لياوجه گمره...
وشعلوني عله الحيطان..
عود ابخور مايدري شكو بصدره..
الرسايل جايه من الماي...
والبيه ضرير يريد بجفوف العطش يقره..
وعله القمصان..
رسمتني السواجي بكل عطر تابوت..
بيش اكسر قفل روحي..
واسافر وي طواري الشوگ..
وطيوفك بعيني تفوت..
مامش للكلايد صوت..
بس الجيد..
چفه يجيس ناكوط البچي..
ويكطع ابكلبي التوت..
مامش زفة بعيوني ..
ولابالناس لون اكليل..
ولا ديرة هلاهل تستحي من الموت
لودمه اعله ثوبه يسيل
أدور على خدود الليل ..دمعة ياس
لوغنى بحمد حزنه ..
وبچه اعله الريل والحنة...
ادور بالهدوم السود..
فرحة ناس تشبه ريحة الجنة..
غريبة البوب..
مامش باب يندهني واشبكنه..
تزتني الريح..
واستاهد مواعيدي
ولاتندل درب يبرالها بلونه..
الصدگ وجهه نسه الدنيه
ونهار الله نسى امراد الضوى شلونه..!
اعله راگ الشوف ..
طاحت جربة طيوفي..
وكبر خوفي..
وكبر حزن الضمير..
وزغرت البيبان التجيبك..
وتدنيت اعله ضلي..
وتاهت الخطوة..
البروحه فجر عطشان..
لوجاسه الغروب بياجرف يروه...
واكول الشمس ماتسوه..
مدام الناس ...
تارسها ظلام الخوف...
وبنيه جذب تهوه...
صدگ لوشفت هاي الناس..
أگول الشمس ماتسوه..
رد مع اقتباس
المشاركة الأصلية كتبت بواسطة خادمة العترة
