وهذا اني..
صرت للعالم احجايه..
قصه ومالها انهايه..
حته من ابتسم
بعيوني تسمع صوت لبجايه..
كل يوم انطعن
طعناتي من اعزاز
معرض للخناجر صاير كفايه..
جروحي.. صارن هوايه
وياي الحزن.. شد رايه..
ربيت ويه المصايب..مفتركنه بيوم
افك من ذيج كوه و اوكع بهايه..
ربعي هواي..
بس شحصلت من ربعي الهوايه.
شكد عدهم حجي..
وكت الجذب يحجون
بس وكت الصدك.. ماعدهم حجايه..
الدكلي الصدر.. والكلي عد عيناك
دك دكت نذل .. بالتالي ويايه..
والسميته ظلعي..صافي كلت وياي
خلص مصلحه. ورئسن خبط مايه..


الشاعر ضياء الرسام