ابوذيات عن الوطن
شلع كلبي بلادي ..... من هويته
وخنكني ابضيم واشتم .. من هويته
العراقي الصح تعرفــــــه ... من هويته
صوره ومنختم غيره وحميـــة
نشد عن الوكت جاير .... بلي جار
وعن حبل الحزن جرك .... بلي جار
عراقي وبالعراق اسكن .... بالايجار
وفلا ابيع الوطن حد المنيـــــه
وحك الله ونبي الرحمه وعلينه
بحبك للسمه اوصلنه وعلينه
يديمك ياعراق النه وعلينه
تضل خيمه بحق حامي الحميه
ازعل ياوطن وارجع واراضيك
واحن ابغـربتي الناسك واراضيك
تفرج ما تظل طبعاً وارى ضِـيك
وترجع من صدگ بغداد اليه
جميل جداجدا
شكرا عمو
كل عام وانت بخير بنتي الغالية وشكرا للمرور والتقييم التميز عنواني
وانت بالف خير
اسفه عمو نسيت اعايدك
الله جميله جدا شكراا لك
الاجمل مرورك وشكرا لتقييمك ويارب عيدك مبارك ريومه
ابوذيات جميله
شكرا لك يا استاذ
شكرا لك ولمرورك العطر أوراق شاعر
رد مع اقتباس