قصيدة ارسملي الكبور - الشاعر أيهاب المالكي (مكتوبة) أهداء الى شهداء الكراده 2016
أرسملي الكَبور وبيها صورة ناس
بدمهم لونوا شارع الكراده
أرسملي بديهم مشترين أشياء
للعيد بوطن ماتكمل اعياده
هذاك الميت أب بي شيبة الكادود
الصغار اليمه ماتوا كلهم أولاده
وهذاك الشاب مات وبيده مدري شظام
من الدم مابين مشتري كَلاده
ارسملي النذبحوا كلهم يشورون
العاين صورهم يطلب أمراده
ومن ترسم طفل وتخلي ليّ جنحان
راد يطير خلي والقدر صاده
ارسملي الجدام التمشي للجتال
مو ع الفطره راحت بس عله أعناده
أرسمهم ، لأن دمهم الك ودوه
كَالوا كَله لازم يرسم بلاده
رد مع اقتباس
المشاركة الأصلية كتبت بواسطة Cat
