بديت أشهك فراكك والنفس مكطوع
أختنك دربك بجدمي وماقبل يكمل
يمر وجهك علك وبوجهي أحط شباك
وأشد وجهك بوجهي وبالسهل ينحل
خذت نظرة ولهسة عيوني متوضيات
أذا صلت لغيرك كل فرض يذبل
السهر مو زين!بس عيوني تشرب ليل
تندل كل سهر بس طيفة ماتندل
وأجيك وركبتي مرجوحة مال أيتام
وأتيهك واليتامى عيونهم تندل
أنكسر كلبي بديك شلون دمك سال
ذيج الساعة أصعب مشكلة بلا حل
ويبدي معاتب العشاك بالنضرات
وأسمع عينك تكلي الزعل طول
وأسكت والدمع بي مستحة المحتاج
وأجاوب والوجوه ثنينهن تخجل
الزعل مكدور!بس فركاك ما مكدور!
رضيت تخوني!بس ما ردت ترحل
يل رحت بوكت ما رجعت جناز
أثر خطوة لغيابك ماكو حتى أسأل
نويت تخوني؟لو وي غريب أرتاح!
حتى أكدر أجاوب ناسك التسأل
رد مع اقتباس
المشاركة الأصلية كتبت بواسطة رهف
