جا يمته يجيسك شوك
جا يمته يجيسك شوك
جاستني سواجي الشيب
ماظل ليل ماشفته...وادور عالصبح مبيوك
ظم وجه الشمس مكفاك
كلشي ابراسي ظل معلوك
يل ابطولك اسافر(شوووف)
تره اتناوشني عزرائيل
نسيني صلاة الخوف
اليبس بيه ينطرك ماي
ابنص زفة الهوه وداعيك حيل أزلوف
كلتني اسوالف ابلا صوت
عايفني ابدرب...درب
درب..يستاحشه المطروود
ماشايف وجه مبخوت
تعاااال وطشني هلهوله ابآذن عرسان
ظل يمشي الوجع بسكوت
كلشي اصياااح...جيتك راي
سيرلي ابعذر مشكوك
شيسدهة الحلوك اهواااي
ادفعهة ابكصب..كل جلمه منهم نار
وأشوف الشيب من يشرب طواري اصباي
الصفنه ابعيني سوت غار
وين الكاك؟؟
خطوات ابجدم سكران
وانا الحسره بيه اتطفي(سابع نار)
اليجهبني الصبح يلكاني عندي أغروب
اريدك ولو نية ثار.
.... زين العابدين المالكي
رد مع اقتباس
جميــــــــــــل