بكل زياره وكل صلا (صلاة)
نرفع جفوف الدعا (دعاء)
ياحرب كوني بردآ وسلامآ عل حشد
///////////////////////////////
كلبي ملهوفه.بهواهم واني ما املك عذر
تركوا اديار الاحبه وسكنوا ديار الغدر
عندي كل ساعه بجفاهم عام واكثر من تمر
ابوجه كل سجه تركوا عين الهم تنتضر
يمته ينهون الوداع
وماتضل مسلوبه كاع
ياحرب كوني بردآ وسلامآ عل حشد
----------
امنت ياربي عندك زينت اولاد البلد
تركوا الدنيا وفرحها نصرتا للمعتقد
جنهم طيور النوارس واحله من طعم الشهد
علسواتر بالمناحر جددوا ليك العهد
انزل عليهم امان
بكل مكان وكل زمان
ياحرب كوني بردآ وسلامآ عل حشد
////////////
من استمع صيحة منيه طير ويفر الكلب
اعثر بدربي وانادي ويلي عل فاكد محب
جانوا ورود الحديقه هسه بارود الحرب
التمت الدنيا بحقدها سودة رايت الغرب
ندفع اثمان الولاء
للوصي هاي الدماء
ياحرب كوني بردآ وسلامآ عل حشد
//////////
جم كلب ام ومسية عاشر الون والدمع
جم اخو فارك اخيه يمشي بس فاكد ضلع
بيوت سكنتها المكابر كل ركن بين صدع
تحنت بكافور اهلها لا هلاهل لا شمع
ربي لاتفجع حزين
للبجي ماعنده عين
ياحرب كوني بردآ وسلامآ عل حشد
///////////
عجل الهم عجل جفت انهار الامل
كل صباح وكل مسيه صحنه يارب العجل
للنجف كل ساعه غالي يلبس اجفانه ورحل
للفرح ماعدنه ساعة من اجل صرنه ب اجل
ربي اكشف هلعذاب
شبعت حضان التراب
ياحرب كوني بردآ وسلامآ عل حشد
اللهم بحق محمد وال محمد احفظ وانصر حشدنا المقدس وقواتنا الامنية البطلة
رد مع اقتباس
المشاركة الأصلية كتبت بواسطة فقد الاحبه
