ناس تضحي بالنفس وكاعدين بالجينكو وناس ؟؟؟؟؟؟؟؟؟؟؟
اليوم بالصدفه شفت واحد بالحشد نازل مجاز بساحه سعد بالبصره بس شفته صغير كلش عمره 13 سنه كتله عمي انت وين ادوم كلي عمي انا بالحشد الشعبي جنت بالفلوجه واشتركت بالمعركه مال التحرير. كتله عمي انت مبين عليك صغير اشلون قبلوك بالحشد انا ادري ايقبلون الي عمره 18 سنه فما فوق. كالي عمي انا صايم وما راح اجذب عليك وراح احجيلك الصدق. كالي عمي. انا بدايه الفتوى التحقت بالحشد الشعبي وكان عمري 11 سنه بس ما قبلوني. رحت سويتلي جنسيه تزوير كبرت عمري سويته 18 سنه ونقبلت ومن ذاك اليوم انا بالحشد الشعبي بلواء علي الاكبر وما خليت معركه ما اشتركت بيها.
كتله وهسه وين رايح كالي نازل 10 تيام مجاز. كتله الله يوفقك.
كلي ممكن اطلب منك طلب.
كتله كول انا خادم الك.
كال عمي انا عندي سيم كارت (شريحه) بس ما عندي جهاز اريد جهازك اخلي السيم كارت مالي اخابر بي لمي اكلها انا وصلت وارجعه الك.
كتله هاك اتفضل الجهاز.
انطيته الجهاز خله السيم كارت ماله وخابر لمه.
اسمعه ايكلها ها يمه اشلونج ان شاء الله زينه ابوي اشلونه صار زين لو بعده مريض
وبعد كلها يمه انا بساحه سعد بس افلوسي خلصن وما عندي كروه اوصلكم بلكت اتخابرين على ابن خالي نورس يجي علي بسيارته علي ايوصلني الكم.
اهنا انا كضتني العبره كتله شنو انت تحجي صدك جذب انا هسه اخذلك تكسي. طبعا ما قبل
كلي لا انا اروح شكرا وهاك هذا جهازك مشكور عمي.
انا اخذت الجهاز منه وحاجيت امه وكتلها انا اوصله الكم.
انا هم وكفت تكسي وكلت لبو التكسي وصلنه للعشار بس الولد ما قبل يصعد بس بعد الملحه عليه صعد بالكوه.
وصلنه للعشار نزلنه يم محل ايبيع احهزه موبايل كلي ها عمي وين.
كتله هس ولا كلمه راح اشتريلك موبايل.
كلي لا عمي انا بس اوصل للبيت اشتري
كتله كلي ليش ما عندك موبايل بس عندك سيم كارت.
كال عمي عوف السالفه
كتله لا الا تحجيلي
كال عمي انا بالجبها (بالفلوجه) خلصن افلوسي والراتب مالنه اتخر هذا الشهر واستحيت اطلب من جماعتي عدنا سيارات وصلنا لبغداد وهناك بعت موبايلي ب25 الف علمود اركب لبصره بيهن اوصلت لساحة سعد وخلصن افلوسي. بس الحمد لله وصلت هسه.
كتله تعال طب للمحل مال الموبايلات.
ما قبل.
انا سحبته كوه ودخلته.
كلي ازين اقبل بس بشرط تنطيني عنوانك حتى ارجعلك الفلوس مال الموبايل الي راح تشتري الي.
كتله مي خالف
وكلي اريد موبايل عادي مو من هذا الحديث اريد ابو 15 الف
على كلن اشتريتله واحد وكلي بعد 5 تيام اجيبلك الفلوس على عنوانك
كتله ليش بعني بعد 5 ايام ليش مو باجر اجيبهن.
شو هذا جر حسره وكلي عمي غير اشتغل واجيبهن الك
كتله خلينه نصعد هسه بتكسي اوصلك لبيتكم ويصير خير بعدين.
اجرت تكسي وهو كل لبو التكسي عمي يم كازينو لبنان.
صعدنا ومشينا بالتكسي جان ايكلي حتى افلوس التكسي ضيفهن على افلوس الموبايل وشوفهن اشكد ايصيرن حتى ارجعهن الك ( طبعا هو اخذ عنواني)
وصلنا لبيتهم وهناك الطامه الكبرى.
طلع بيتهم من بيوت التجاوز ومبني اغلبيته من الجينكو.
وصلنا لكينا امه تنتضره بالباب انا ما تحملت بعد ارجعت ويه ابو التكسي بالطريق خابر علي (طبعا هو اخذ رقم موبايلي) كلي هاي وينك ليش ما نزلت وياي كتله لا انا مستعجل عندي شغل نشاوف بعد كم يوم ان شاء الله
طبعا هو ضاج كلش وكلي هاي وحده وياك.
كتله لا عمي والله بس افرغ اجيك انا اندليت البيت مالكم
كلي لا انا اجيك حتى ارجعلك افلوسك مال الموبايل والتكسيات
وكلي صدك شكد صارن كلهن المجموع. انا ما تحملت وسديت التيلفون.
حقيقه اقسم با الله حدثت معي اليوم
منقول من صفحة اللواء عبد الكريم خلف الظاهر صايرة القصة وياه .
رد مع اقتباس
المشاركة الأصلية كتبت بواسطة حسن الحسني
