المشاركة الأصلية كتبت بواسطة المهاجر الزيدي
مرسي كلك ذوق
مرسي كلك ذوق
انه ياصاحبي ماعندي وجهين
حته انزع وجه و الثاني البسه
ولا غرتني يوم امراية البيت
وكف بالركن والزم اكلنسه
المظاهر ماتغير واقع الحال
البيه خير خل يعتز بنفسه
اليمد رجله اعله كد اغطاه موعيب
عيب اعله التندهه الصبح شمسه
نمت متعوب بس فزيت مرتاح
صار الماي حدري وكمت احسه
يسايسني الجرف وضحك عله الروج
عظم هدهد وعاند ومشي عكسه
انه ابن المارضت بكتارهه انلوذ
وبوي الماشبج خمسه اعله خمسه
ونه الوكت الشدايد صوتي ماضاع
وانه الماطلع للجا ر حسه
اكص اجدامي من تخونهه الكاع
وجوي جفوفي من اتصير نحسه
اليزرع طيب كالو يحصد الطيب
والفلاح يجني اثمار غرسه
لاكن طيبتي خلتني ماشوف
وصدك كلمن ايراويني ضرسه
مهيه اتغالطت نبضات الكلوب
اذا يانبض منهن راح اجسه
الحقيقه اتكون مره ابعض الحيان
وبعض الورد يذبل من تلمسه
الحب ضاع وحنه الضيعينا
لان ماجنه نحترمه ونقدسه
وحياتك ماسهرت الليل بطران
ولا متواعد وشبعان ونسه
يمربيه الحجي المايطري عالبال
وتيه ابين صفنه اودمعه خرسه
قطار الذكريات ايودي ويجيب
ومحطات العمر من عدهه شنسه
لهسه اتسولف ابجرحي السجاجين
والنيشان بعده ابضهري لسه
ولو عشريني خلصن طيف جذاب
وثلاثيني ابتدن بضروف تعسه
مامعقوله ابقه اركض وره الغيم
حتما استقر والكالي مرسه
كفاني ازعل وسد الباب وغتاض
ورد افرش شليلي اعتاب اترسه
علئ كل حال الف الحمد لله
خذت حيفي وكسرت اعيون شرسه
حسن شاطر ويحفظ كلشي عالغيب
قره اكتاب الزمان وحفظ درسه
كل حلو ينباس بس انت الوحيد
دخنة شلون صارت هوسة
خدك يكهرب واليبوسة يطيح
كمنة من بعيد ناخذ البوسة
تحية طيبة احبتي اسعد الله اوقاتكم بكل خير
لاحظت الكثير من المخالفات
لذلك اذكركم بالقوانين
الفقرة 8 ..
لا يجوز نشر أو إرسال أسماء وأخبار وصور المطربين او الفنانين المعروف عدم توافق نوع فنهم بصورة عامة مع الشريعة الإسلامية، وكذلك مواد فنهم بأي صورة كانت ويسمح فقط باخبار توبتهم او وفاتهم
لاحظت الكثير من الابيات هي كلمات لاغاني عراقية او غيرها
كما لاحظت عدم الالتزام بالفقرة 18 ..
لا يجوز نشر أو إرسال الصور/ التي يقل فيها الاحتشام (مزيد من المعلومات) أو تلك التي تكون عنيفة الوقع على المشاهد مثل مشاهد القتل والدماء العنيفة.
ارجو الالتزام لاستمرار الموضوع
دمتم في حفظ الله
**********
اذا جفك تـچــــــــــــــوّه بخدمة الزوار
شتتوقع بعد ايــــــــــــدك تمسها النار
قسيم النار حـيدر واسمه حامي الجار
اليحامي الجار حاشا ينسى اهل الدار
بالزوار إذا دارك ملـــــــيته
ينادي حسين بيتي اليوم بيته
وعَلي بضعاف هالدين
آنه خدمــــــــة حسين
احضرك لو دنت ساعة مماتك
رد مع اقتباس
